რუსეთის საელჩო აშშ-ში - მოვუწოდებთ ამერიკელ კანონმდებლებს, შეწყვიტონ ამერიკელი და ევროპელი მოქალაქეების „რუსული საფრთხის“ შესახებ საშინელებათა ისტორიებით დაშინება

მოვუწოდებთ ამერიკელ კანონმდებლებს, შეწყვიტონ ამერიკელი და ევროპელი მოქალაქეების „რუსული საფრთხის“ შესახებ საშინელებათა ისტორიებით დაშინება, - ამის შესახებ ნათქვამია აშშ-ში რუსეთის საელჩოს მიერ გავრცელებულ განცხადებაში, რომელიც სოციალურ ქსელ „ტვიტერშია“ გამოქვეყნებული.

„მოვუწოდებთ ამერიკელ კანონმდებლებს, მოთოკონ ემოციები და შეფასებები. ჩვენ ცივილიზებული დიალოგის შენარჩუნება გვსურს. რუსეთი არავის ესხმის თავს და მსგავსი მიზნები არ გააჩნია. შეწყვიტეთ ამერიკელი და ევროპელი მოქალაქეების „რუსული საფრთხის“ შესახებ საშინელებათა ისტორიებით დაშინება“, - ნათქვამია საელჩოს მიერ გავრცელებულ განცხადებაში.