ავსტრალიის ხელისუფლება ეჭვობს, რომ ქვეყანაში განხორციელებული კიბერ თავდასხმების უკან ჩინეთი დგას, - ამის შესახებ Reuters-ს ხელისუფლებიდან სანდო წყარომ განუცხადა.

„ავსტრალიის ხელისუფლებაში ფიქრობენ, რომ კიბერ თავდასხმების უკან ჩინეთი დგას,” - განუცხადა Reuters-ს წყარომ, რომელმაც ვინაობის გამხელა არ ისურვა.

შეგახსენებთ, ავსტრალიის პრემიერ-მინისტრმა სკოტ მორისონმა განაცხადა, რომ ავსტრალიის მთავრობა და სხვა ორგანიზაციები ერთ-ერთი დახვეწილი სახელმწიფო აქტორის კიბერ თავდასხმის სამიზნეები არიან და რომ ასეთი თავდასხმები ბოლო თვეების განმავლობაში საგრძნობლად გახშირდა.