აშშ-ში კორონავირუსით დაინფიცირების ყოველი ათი შემთხვევიდან ერთი მზრუნველობის სახლებში დაფიქსირდა, - ამის შესახებ ინფორმაციას Associated Press-ი ოფიციალურ მონაცემებზე დაყრდნობით ავრცელებს. გარდა ამისა, გამოცემის ცნობით, ქვეყანაში დაფიქსირებული ფატალური შემთხვევების საერთო რაოდენობის მეოთხედზე მეტი მზრუნველობის სახლებზე მოდის.
ცნობისათვის, აშშ-ში ასეთ სახლებში დაახლოებით 1.4 მილიონი მოხუცი და სუსტი ჯანმრთელობის მქონე ადამიანი ცხოვრობს. ბოლო მონაცემებით, აშშ-ში კორონავირუსის 2.2 მილიონზე მეტი შემთხვევაა დადასტურებული, აქედან დაღუპულია 120 000-ზე მეტი ადამიანი.