ნიკა გვარამიას განცხადებით, გამოცემა Obozrevatel-ის გავრცელებული აუდიოჩანაწერი ავთენტური არ არის და მთლიანად დამონტაჟებულია

„მთავარი არხის“ გენერალური დირექტორის ნიკა გვარამიას განცხადებით, გამოცემა Obozrevatel -ის გავრცელებული აუდიოჩანაწერი ავთენტური არ არის და მთლიანად დამონტაჟებულია.

გვარამიას თქმით, ეს ჩანაწერი მისთვის ვალიდურ წყაროს არ წარმოადგენს, რომელსაც დაეყრდნობოდა.

„მე მოვისმინე ეს ფარული ჩანაწერი. მე არ ვიცი რა ჩავაფლავე, ერთადერთი მე შემიძლია გითხრათ, რომ ეს არ არის ჩემთვის ვალიდური წყარო, რომელსაც დავეყრდნობოდი. თქვენ არ შეგეშლებათ, რომ აკინძულია სიტყვა-სიტყვით ეს ფარული ჩანაწერი, თუმცა რაღაცეები იქ იკითხება ამ თემასთან დაკავშირებით. ჯერ ერთი კანონიერი არ არის და ავთენტური დანამდვილებით არ არის, ეს როგორც პროფესიონალმა შემიძლია გითხრათ. თუმცა, ვისაც რა არ უნდა ეთქვა, კიდევ ერთხელ ვაფიქსირებ, რომ არ არსებობს უფრო აღმატებული ინტერესი ჩემთვის, ნიკა გვარამიასთვის, რომლის მთავარი ცხოვრების მიზანი არის „ქართული ოცნების“ ხელისუფლების შეცვლა, საქართველოში დემოკრატიული ხელისუფლების მოსვლა, თავისუფალი მედია. მიუხედავად ამ ყველაფრისა, არ არსებობს უფრო აღმატებული მიზანი ჩემთვის და ინტერესი ვიდრე, ადამიანის სიცოცხლის დაცვა, მითუმეტეს, ჩემი თანამშრომლის, მითუმეტეს სამსახურეობრივ მოვალეობასთან დაკავშირებული პრობლემებიდან გამომდინარე და მითუმეტეს გიორგი გაბუნიასი, რომელიც ჩემი უახლოესი მეგობარია“, - განაცხადა გვარამიამ.

შეგახსენებთ, რომ გამოცემა Obozrevatel-ი ჟურნალისტ გიორგი გაბუნიას საქმესთან დაკავშირებით აუდიოჩანაწერს ავრცელებს. გამოცემის ინფორმაციით, აუდიოჩანაწერი ყოფილი პრეზიდენტის, მიხეილ სააკაშვილისა და იუსტიციის ყოფილი მინისტრის, ზურაბ ადეიშვილის საუბარს ასახავს. გამოცემის მტკიცებით, დასტურდება, რომ მიხეილ სააკაშვილმა, ისევე, როგორც ტელეკომპანია „მთავარის“ დირექტორმა, ნიკა გვარამიამ ჟურნალისტ გაბუნიას მკვლელობის დაგეგმვის შესახებ იცოდნენ. გავრცელებული აუდიოჩანაწერის მიხედვით, სავარაუდოდ, სააკაშვილი და ადეიშვილი უკმაყოფილებას გამოთქვამენ იმის გამო, რომ ნიკა გვარამაიამ გაბუნიას შესაძლო ლიკვიდაციის შესახებ ინფორმაცია გაასაჯაროვა.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე