პარლამენტის საფინანსო-საბიუჯეტო კომიტეტის თავმჯდომარე, ირაკლი კოვზანაძე საქართველოში USAID-ის ოფისის ხელმძღვანელს, ადამ შმიდტს შეხვდა. როგორც „ინტერპრესნიუსს“ საქართველოს პარლამენტიდან აცნობეს, USAID -ის ინიციატივით გამართულ შეხვედრაზე, ანტიკრიზისული ბიუჯეტი, ასევე საფინანსო სფეროში, მათ შორის საბანკო სექტორში არსებული ვითარება და გამოწვევები განიხილეს. მათივე ცნობით, საუბარი შეეხო ქვეყნის ეკონომიკურ მაჩვენებლებს და პანდემიის შედეგად დაზარალებულ სექტორებს.
შეხვედრაზე ისაუბრეს კიდევ უფრო თუ როგორ უნდა გაძლიერდეს საფინანსო-საბიუჯეტო კომიტეტის შესაძლებლობები საპარლამენტო ზედამხედველობის განხორციელებისას. ირაკლი კოვზანაძემ მადლობა გადაუხადა საქართველოში USAID -ის ოფისის ხელმძღვანელს, პანდემიის პერიოდში ქვეყნის საბიუჯეტო და საფინანსო სექტორში გაწეული დახმარებების გამო და იმედი გამოთქვა, რომ საქართველოსა და USAID-ის თანამშრომლობა მომავალში კიდევ უფრო გაღრმავდება.