მამუკა მდინარაძე - ჩვენი პარტნიორი ქვეყნების ელჩების განცხადება მოცემულობის ბუნებრივი და რელევანტურია, რადგან 8 მარტის შეთანხმების შესრულების ვალდებულება ყველას აქვს

ჩვენი პარტნიორი ქვეყნების ელჩების განცხადება მოცემულობის რელევანტურია,- ასე ეხმაურება საპარლამენტო უმრავლესობის ლიდერი, მამუკა მდინარაძე ხელისუფლებასა და ოპოზიციას შორის გამართული პოლიტიკური დიალოგის ფასილიტატორი ელჩების ერთობლივ განცხადებას, რომელშიც მოწოდებაა 8 მარტის შეთანხმების ყველა ხელმომწერის მიმართ, რომ მონაწილეობა მიიღონ საკონსტიტუციო ცლილებების კენჭისყრაში.

"ჩვენი პარტნიორი ქვეყნების ელჩების განცხადება მოცემულობის ბუნებრივი და რელევანტურია, იმიტომ, რომ 8 მარტს შემდგარი შეთანხმების შესრულების ვალდებულება ყველას აქვს და არა მხოლოდ "ქართულ ოცნებას". კიდევ ერთხელ მოვუწოდებ ოპოზიციის იმ რადიკალურ ნაწილს, რომელიც რაღაც პირობებს აყენებს, ისეთს რომელიც 8 მარტის შეთანხმებაში ჩაწერილი არ ყოფილა, შეთანხმების პირობა იყო ის, რის შესრულებასაც ჩვენ ზედმიწევნით და 100%-ით ვაპირებთ. დღევანდელი გადაწყვეტილება ამ შეთანხმების შესრულების დასტურია. ვფიქრობ, რომ თუ მოვუწოდებთ რადიკალურ ოპოზიციას, რომ ამ შეთანხმების აღსრულებაში მიიღონ მონაწილეობა ქართული დემოკრატიისთვის ძალიან კარგი იქნება," - განაცხადა მდინარაძემ.

ხელისუფლებასა და ოპოზიციას შორის გამართული პოლიტიკური დიალოგის ფასილიტატორი ელჩები ერთობლივ განცხადებას ავრცელებენ. „პარლამენტი ემზადება რა საკონსტიტუციო ცვლილებების კენჭისყრისთვის, რომლის შედეგად უფრო მეტად პროპორციული საარჩევნო სისტემა უნდა ჩამოყალიბდეს საქართველოში, კიდევ ერთხელ მოვუწოდებთ ყველა მხარეს 8 მარტის შეთანხმების სრულყოფილად შესრულებისკენ“, - ნათქვამია განცხადებაში.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან