რომან გოცირიძე - ელჩების განცხადებაში პირდაპირაა ნათქვამი, რომ "ქართულმა ოცნებამ" შეთანხმება ბოლომდე არ შეასრულა

ელჩების განცხადებაში პირდაპირაა ნათქვამი, რომ "ქართულმა ოცნებამ" შეთანხმება ბოლომდე არ შეასრულა, - ამის შესახებ ფრაქცია "ნაციონალური მოძრაობის" თავმჯდომარე რომან გოცირიძემ განაცხადა, რითაც გამოეხმაურა 8 მარტის მოლაპარაკების ფასილიტატორი ელჩების ერთობლივ განცხადებას.

გოცირიძის თქმით, ელჩების მოწოდება, რომ ოპოზიციამ საკონსტიტუციო ცვლილებების კენჭისყრაში მიიღოს მონაწილეობა, მეტყველებს იმაზე, რომ ელჩები კანონპროექტის ჩაგდების რისკს ხედავენ.

"ამ განცხადებაში პირდაპირ არის ნათქვამი, რომ "ქართულმა ოცნებამ" შეთანხმება ბოლომდე არ შეასრულა და კიდევ ერთხელ მოუწოდებენ ყველა მხარეს 8 მარტის შეთანხმების სრულყოფილად შესრულებისკენ. რას ნიშნავს ფრაზა "სრულყოფილად არაა შესრულებული", ეს გასაგებია. ეს ნიშნავს გიორგი რურუას გათავისუფლების მოთხოვნას. რაც შეეხება მოწოდებას, რომ კენჭისყრაში მივიღოთ მონაწილეობა, ხედავენ, რომ არსებობს რისკები, რაც ივანიშვილისადმი უნდობლობაში გამოიხატება.

გავა თუ არა ეს გადაწყვეტილება, დამოკიდებულია ივანიშვილზე. თუ საკონსტიტუციო ცვლილებებს დამატებით 27 კაცი მივცემთ ხმას, ივანიშვილი ყოველთვის იპოვის 37-ს, ვინც არ დაუჭერს მხარს.

დღეს პარლამენტში საკმარისი ხმებია. თუ საკონსტიტუციო ცვლილებები ჩავარდა, უშუალოდ "ქართული ოცნების" ხელით თუ შემოვლითი გზებით, პასუხისმგებლობა ეკისრება ბიძინა ივანიშვილს, მოსალოდნელი უმძიმესი შედეგებითურთ," - განაცხადა გოცირიძემ.

ცნობისთვის, ხელისუფლებასა და ოპოზიციას შორის გამართული დიალოგის ფასილიტატორი ელჩები ერთობლივ განცხადებას ავრცელებენ, სადაც მხარეებს 8 მარტის შეთანხმების სრულყოფილად შესრულებისკენ მოუწოდებენ. ელჩები ასევე, შეთანხმების ყველა ხელმომწერს კენჭისყრაში მონაწილეობისკენ მოუწოდებენ.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო