ლევან გოგიჩაიშვილი საკონსტიტუციო ცვლილებებზე - ჩვენ მხარს დავუჭერთ არა რაღაც დათქმებით, არამედ იმისთვის, რომ ამ ქვეყანაში მშვიდობიანი არჩევნები ჩატარდეს

ჩვენ ამ კანონპროექტს მხარს დავუჭერთ არა რაღაც დათქმებით და გამოთქმებით, არამედ მხარს დავუჭერთ იმისთვის, რომ ამ ქვეყანაში მშვიდობიანი არჩევნები ჩატარდეს, - ამის შესახებ ფრაქცია „დამოუკიდებელი დეპუტატების" წევრმა ლევან გოგიჩაიშვილმა პარლამენტის იურიდიულ საკითხთა კომიტეტზე განაცხადა, სადაც საკონსტიტუციო ცვლილებებს იხილავენ.

ლევან გოგიჩაიშვილის თქმით, „ქართულ ოცნებას“ არ შესწევს უნარი იმ რევანშს გაუმკლავდეს, რომლის წინაშეც ქვეყანა დააყენეს.

„გვესმის რა რისკის წინაშე დააყენეთ მომავალი პოლიტიკური პროცესი, როდესაც გაითამაშეთ ეს ეგრეთ წოდებული სცენარი. არ ვიცი ეს ნების იყო თუ უნებლიეთ. ფაქტია, რომ ძალიან მძიმე შედეგი დადგა და ამ შედეგმა ქვეყანა დააყენა რევანშის წინაშე. თქვენ არ გაქვთ უნარი, რომ ამ ქვეყანაში გაუმკლავდეთ რევანშს, იმის გამო, რომ თქვენი პოლიტიკური სტანდარტის მორალური თამასა ძალიან დაბლა დასწიეთ.

ჩვენ ამ კანონპროექტს მხარს დავუჭერთ არა რაღაც დათქმებით და გამოთქმებით, არამედ მხარს დავუჭერთ იმისთვის, რომ ამ ქვეყანაში მშვიდობიანი არჩევნები ჩატარდეს და თქვენი სისუსტის გამო არ მივცემთ პროვოკატორებს და იმ ადამიანებს, ვისაც ამ ქვეყნის სტაბილურობა არ უნდათ, საშუალებას, რომ ეს ტყუილის კასკადი ქვეყნის წინააღმდეგ გამოიყენონ. ამიტომ, ჩვენ ვაპირებთ მხარი დავუჭიროთ ამ ქვეყნის მომავალს. მიუხედავად იმისა მე მომწონს თუ არა ეს შეფარდება, ამას არ აქვს მნიშვნელობა, სიტყვა უნდა შესრულდეს და ამას აქვს ძალიან მნიშვნელოვანი პოლიტიკური მომენტი. ამ ქვეყანაში მინიმალურად რომ შევამციროთ ქვეყნის არაკეთილმოსურნეების მხრიდან სხვადასხვა განზრახვის განხორციელება, მნიშვნელოვანია, რომ ეს კანონი გავიდეს. უბრალოდ მაინტერესებს, დღეს თქვენ რამდენად იღებთ პასუხისმგებლობას, რომ როგორც მაშინ დავდექით ახალი რეალობის წინაშე, ისე რაღაც ახალი რეალობის წინაშე არ დაგვაყენებთ, როდესაც ეს საკითხი გავა კვირას? ჩვენი ფრაქციიდან 7 ხმა გვაქვს, რაც ჩვენი შესაძლებლობაა,“-აღნიშნა გოგიჩაიშვილმა.

ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
ქართული პრესის მიმოხილვა 29.07.2021
ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე
ბათუმში „მაგნიტის“ ახალი ფორმატის ფილიალი - „მაგნიტი მაქსი“ გაიხსნა
რომში “ინტელიექსპრესის” ახალი ფილიალი გაიხსნა