რისკი იმასთან დაკავშირებით, რომ საკონსტიტუციო ცვლილებები არ გავიდეს, არის მიზერული, - ამის შესახებ საპარლამენტო უმრავლესობის წევრმა ირაკლი კობახიძე იურიდიულ საკითხთა კომიტეტზე განაცხადა, სადაც საარჩევნო სისტემასთან დაკავშირებით საკონსტიტუციო ცვლილებების პროექტს განიხილავენ.

მისი თქმით, ცვლილებათა პროექტს „ქართული ოცნების“ 92, ხოლო უმრავლესობის გარეთ მყოფი 25 დეპუტატის მხარდაჭერა აქვს.

„მე ვფიქრობ, რისკი არის მიზერული იმასთან დაკავშირებით, რომ არ გავიდეს საკონსტიტუციო ცვლილებები გამომდინარე იქიდან, რომ 117 დეპუტატს აქვს დადასტურებული ამ დოკუმენტის მხარდაჭერა. ჩვენგან, „ქართული ოცნებისგან“ არის პარლამენტის 92 წევრი, ხოლო უმრავლესობის გარეთ მყოფ დეპუტატებისგან 25 აქვს დადასტურებული მხარდაჭერა“,- განაცხადა კობახიძემ.