ოპოზიციის მიერ დასახელებული მაჟორიტარობის კანდიდატები აბსოლუტურად რეპუტაციაშელახული პოლიტიკოსები არიან,- ამის შესახებ პარლამენტის ყოფილმა თავმჯდომარე ირაკლი კობახიძემ განაცხადა.

მისი თქმით, ამ პირობებში „ქართული ოცნება“ არჩევნებს პირველივე ტურში მოიგებს.

„ჩვენ განვაცხადეთ, რომ თუ ოპოზიცია შეთანხმდება ერთიან კანდიდატებზე, ამ შემთხვევაში კიდევ უფრო გაგვიადვილდება არჩევნების მოგება. იმ კანდიდატებით, რომლებიც მათ მიერ იყო დასახელებული, კიდევ უფრო მეტად გაგვიადვილდება არჩევნების პირველ ტურში მოგება, გამომდინარე იქიდან, რომ ესენი არიან აბსოლუტურად რეპუტაციაშელახული პოლიტიკოსები, რომლებსაც არ აქვთ საზოგადოების მხარდაჭერა,"- განაცხადა კობახიძემ.

ცნობისთვის, ოპოზიციის ნაწილმა თბილისის 6 მაჟორიტარულ ოლქში საერთო კანდიდატები წარადგინა: ვაკეში - ელენე ხოშტარია, გლდანში - ნიკა მელია, ისანში - გიორგი ვაშაძე, სამგორში - ლევან ხაბეიშვილი, მთაწმინდაზე - შალვა შავგულიძე, ხოლო ნაძალადევში - შალვა ნათელაშვილი.