სომხეთის პრემიერ-მინისტრი ნიკოლ ფაშინიანი 24 ივნისს მოსკოვში გამარჯვების დღისადმი მიძღვნილ აღლუმს არ დაესწრება, - ამის შესახებ ფაშინიანი რუსეთის პრეზიდენტ ვლადიმერ პუტინისთვის გაგზავნილ წერილში წერს.
„ძვირფასო ბატონო პრეზიდენტო, ვწუხვარ, მაგრამ უნდა გაცნობოთ, რომ დიდ სამამულო ომში გამარჯვების 75-ე წლისთავს ვერ დავესწრები. როგორც იცით, თქვენი მოწვევა დიდი სიხარულით მივიღე, მაგრამ მოგვიანებით აღმოჩნდა, რომ კორონავირუსთან დაკავშირებით არსებული სიტუაცია ამ ვიზიტის განხორციელების შესაძლებლობას არ მაძლევს. მივიღე გადაწყვეტილება, თავი შევიკავო მოსკოვში ვიზიტის განხორციელებისგან,“- წერს ფაშინიანი.
ცნობისათვის, მოსკოვში აღლუმზე დასწრებაზე უარი აზერბაიჯანის პრეზიდენტმა, ილჰამ ალიევმაც განაცხადა და ამის მიზეზად ქვეყანაში დაწესებელი კარანტინის რეჟიმის გახანგრძლივება დაასახელა.