ჩინეთის საგარეო საქმეთა სამინისტრო ინდოელ ჯარისკაცებს „მიზანმიმართული პროვოკაციის“ მოწყობაში ადანაშაულებს

ჩინეთის საგარეო საქმეთა სამინისტრო ინდოელ და ჩინელ ჯარისკაცებს შორის ჰიმალაის სასაზღვრო რეგიონში მომხდარ შეტაკებას ინდოელი ჯარისკაცების მიერ მოწყობილ „მიზანმიმართულ პროვოკაციად“ აფასებს, - ინფორმაციას ამის შესახებ BBC ავრცელებს.

ჩინეთის საგარეო საქმეთა სამინისტროს პრესსპიკერის, ჩჟაო ლიცზიანის თქმით, ინდოელი სამხედროები ჩინეთის ტერიტორიაზე შეიჭრნენ და მესაზღვრეებს თავს დაესხნენ.

„ეს იყო მიზანმიმართული პროვოკაცია, ინდოელი მესაზღვრეები ძალადობრივად დაესხნენ თავს მოსალაპარაკებლად მისულ ჩინელ ოფიცრებსა და ჯარისკაცებს, რამაც ფიზიკური დაპირისპირება და მსხვერპლი გამოიწვია,“- განაცხადა ჩჟაო ლიცზიანმა.

საგარეო საქმეთა სამინისტროს პრესსპიკერს საზოგადოებისთვის დაღუპულების ან დაშავებულების შესახებ ინფორმაცია არ მიუწოდებია.

ინციდენტს რამდენიმე დღის წინ ინდოეთის პრემიერ-მინისტრი ნარენდრა მოდიც გამოეხმაურა და აღნიშნა, რომ ინდოელი ჯარისკაცების მსხვერპლი ამაოდ არ ჩაივლის. მისივე თქმით, ინდოეთს მშვიდობა სურს, მაგრამ როცა მის პროვოცირებას ახდენენ, ნებისმიერ სიტუაციაში შესაბამისი პასუხის გაცემის უნარი შესწევს.

შეგახსენებთ, 16 ივნისს, ქაშმირის რეგიონში, ლადახშის პროვინციაში ჩინელ და ინდოელ ჯარიკაცებს შორის შეტაკების შედეგად 20 ინდოელი ჯარისკაცი დაიღუპა.

იხილეთ ვიდეო: ჩინეთის საგარეო საქმეთა სამინისტრო ინდოელ ჯარისკაცებს „მიზანმიმართული პროვოკაციის“ მოწყობაში ადანაშაულებს

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე