გიგი უგულავა ხელისუფლებას - ახლა ჯერი თქვენზეა ბატონებო, თქვენ ხართ უმრავლესობაში, პირობაც თქვენი მიცემულია და შესრულებაც თქვენი ვალდებულებაა

ახლა ჯერი თქვენზეა ბატონებო, თქვენია ვალდებულება, თქვენ ხართ ხელისუფლებაში, თქვენ ხართ უმრავლესობაში, პირობაც თქვენი მიცემულია და შესრულებაც თქვენი ვალდებულებაა, - ასე მიმართა „ევროპული საქართველოს“ ერთ-ერთმა ლიდერმა გიგი უგულავამ ხელისუფლების წარმომადგენლებს და 8 მარტის შეთანხმების შესრულებისკენ მოუწოდა.

უგულავას თქმით, პრინციპულად მნიშვნელოვანია შეთანხმების ორივე ნაწილის შესრულება.

„მარტივად რომ ვთქვათ, ჩვენ, „ევროპულმა საქართველომ“ ამ გადაწყვეტილებით ჭადრაკის დაფა შემოვუტრიალეთ „ქართულ ოცნებას“. მე იმედი მაქვს, რომ ისინი მოეგებიან გონს და შეასრულებენ სრულად შეთანხმებას. ჩემთვის, როგორც მოქალაქისთვის და პოლიტიკოსისთვის ეს საკითხი ორმაგად მნიშვნელოვანია იმიტომ, რომ პოლიტპატიმრების ეპოქა უნდა დასრულდეს. ეს არის ქვეყნის სირცხვილი და ასევე, ჩემთვის პერსონალურად მნიშვნელოვანია იმიტომ, რომ რამდენიმე კვირის წინ მეც ამ სიაში ვიყავი. პრინციპულად მნიშვნელოვანია, რომ ერთი მხრივ, არ მივცეთ ხელისუფლებას საბოლოო ჩაგდების შესაძლებლობა. პირველი მოსმენა თუ ჩავარდა, ეს თემა საბოლოოდ იხურება, განსხვავებით მეორე და მესამე მოსმენისგან. შესაბამისად, მათ ექნებათ დრო იმისთვის, რომ შეასრულონ ნაკისრი ვალდებულება. სხვა შემთხვევაში, ბუნებრივია, ჩვენ აღარ მივცემთ შესაძლებლობას და აღარ მივიღებთ მონაწილეობას, თუ სრულად არ იქნება შესრულებული 8 მარტის შეთანხმება, რაც ნიშნავს პოლიტპატიმარ გიორგი რურუას გათავისუფლებას. ახლა ჯერი თქვენზეა ბატონებო, თქვენია ვალდებულება, თქვენ ხართ ხელისუფლებაში, თქვენ ხართ უმრავლესობაში, პირობაც თქვენი მიცემულია და შესრულებაც თქვენი ვალდებულებაა“, - განაცხადა უგულავამ.

შეგახსენებთ, რომ „ევროპული საქართველო“ საკონტიტუციო ცვლილებების პროექტის კენჭისყრაში მონაწილეობას მიიღებს. შესაბამისი გადაწყვეტილება ფრაქციის ფორმატში დღეს გამართულ შეხვედრაზე მიიღეს.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით