"დღეს, 20 ივნისს, ხელისუფლებას შევახსენებთ, რომ ღირსება და თავისუფლება ხელშეუვალია, საკუთარ მოქალაქეებზე ძალადობა კი დასჯადი და მიუტევებელი ქმედება”,- ამის შესახებ “ახალი საქართველოს” ლიდერმა გიორგი ვაშაძემ განაცხადა.
მისივე თქმით, ოკუპანტ სახელმწიფოსთან კაპიტულანტურმა დამოკიდებულებამ გამოიწვია 20 ივნისს მოქალაქეების აღშფოთება.
“მათ უნდა იცოდნენ, რომ არ გამოვა თავისუფლებისთვის მებრძოლი ადამიანები დამნაშავეებად, კრიმინალებად გამოაცხადონ, ხოლო გავრილოვისა და კადიროვის მსგავსი საქართველოს მტრები მშვიდობისმყოფელ მეგობრებად წარმოადგინონ. სწორედ ოკუპანტ სახელმწიფოსთან კაპიტულანტურმა დამოკიდებულებამ გამოიწვია 20 ივნისს ჩვენი მოქალაქეების აღშფოთება და ჩემთვის კატეგორიულად მიუღებელია, რომ ეს დღემდე გრძელდება. ეს უნდა დავასრულოთ და 2020 წლის საპარლამენტო არჩევნები ამის საუკეთესო საშუალებაა. ძალა ერთობაშია! საქართველო გაიმარჯვებს!" - განაცხადა გიორგი ვაშაძემ.
აღნიშნულ კომენტარს პარტიის პრესსამსახური ავრცელებს.