რუსთაველის გამზირზე დაგეგმილ აქციას სახელწოდებით „ერთად ოკუპაციის წინააღმდეგ" პარტია „ევროპული საქართველო" შეუერთდა. თავდაპირველად, პარტიის ლიდერები მხარდამჭერებთან ერთად თბილისის კლასიკური გიმნაზიის მიმდებარე ტერიტორიაზე შეიკრიბნენ, საიდანაც პარლამენტის წინ დაგეგმილი აქციისკენ გადაინაცვლეს.
ამასთან, აქტივისტებმა, აქციის მონაწილეებს შორის დისტანციის დასაცავად, რუსთაველის გამზირზე, ვლადიმერ პუტინის გამოსახულებით სტიკერები დააკრეს.
აქციის ორგანიზატორები მოუწოდებენ აქციაში მონაწილეობის მსურველ პირებს, გაითვალისწინონ და დაიცვან პანდემიის პირობებში ჯანმრთელობის დაცვისთვის აუცილებელი ყველა რეკომენდაცია.