"ერთიანი ნაციონალური მოძრაობა" საკონსტიტუციო ცვლილებების კენჭისყრაში მონაწილეობასთან დაკავშირებით პოზიციას ხვალ დააფიქსირებს. როგორც "ინტერპრესნიუსს" პარტიის ერთ-ერთმა ლიდერმა ზაალ უდუმაშვილმა განუცხადა, "ნაციონალური მოძრაობა" დღეს საღამოს შეიკრიბება, პოზიციას კი ხვალ დააფიქსირებს.
"ჯერ ჩვენ პოზიცია არ დაგვიფიქსირებია.დღეს საღამოს შევიკრიბებით და უკვე ხვალ დილით გავახმოვანებთ, თუ რა პოზიცია გვექნება", - განაცხადა ზაალ უდუმაშვილმა.
ხვალ პარლამენტი რიგგარეშე სხდომაზე საკონსტიტუციო ცვლილებებს პირველი მოსმენით განიხილავს. განხილვაში მონაწილეობას მიიღებს „ევროპული საქართველო“.