საქართველოს ყოფილი პრეზიდენტის, გიორგი მარგველაშვილის განცხადებით, ის საპარლამენტო არჩევნებზე მაჟორიტარ კანდიდატად კენჭისყრას არ აპირებს.

როგორც მან, რუსთაველის გამზირზე მიმდინარე აქციაზე ჟურნალისტებთან საუბრისას განაცხადა, მას სხვადასხვა პოლიტიკურ ძალასთან ინტენსიური კონსულტაციები აქვს.

„ჩემი მიზანია შეიქმნას პოლიტიკური პლატფორმა, რომელიც გააერთიანებს პოლიტიკოსებს, რომლებიც მომავალზე იქნებიან ორიენტირებულნი. არა ამ უკვე წარსულ ხელისუფლებაზე, არა მანამდე წასულ ხელისუფლებაზე, არამედ - მომავალზე“, - განაცხადა გიორგი მარგველაშვილმა.

კითხვაზე, მოიაზრებს თუ არა ის ახალ პლატფორმაში ალეკო ელისაშვილის, ანა დოლიძისა და ლევან კობერიძის პლატფორმას მარგველაშვილი პასუხობს: „ბუნებრივია მათ შორის ასეთი ტიპის პოლიტიკოსებთან მექნება ურთიერთობა და მაქვს ურთიერთობა“.