თამარ კორძაია - ხვალ დაველოდებით პარლამენტის უნარიანობას, მიიღოს ის გადაწყვეტილება, რასაც დაგვპირდა, თუ არა, ჩვენ არ დავიღლებით თავისუფლებისთვის ბრძოლაში

ხვალ დაველოდებით პარლამენტის უნარიანობას, მიიღოს ის გადაწყვეტილება, რასაც დაგვპირდა, თუ არა, ჩვენ არ დავიღლებით თავისუფლებისთვის ბრძოლაში, წინ მეგობრებო, წინ, - ასე მიმართა „რესპუბლიკური პარტიის“ ერთ-ერთმა ლიდერმა, თამარ კორძაიამ პარლამენტის წინ შეკრებილ აქციის მონაწილეებს.

მისი თქმით, საქართველოს მოქალაქეები არ იმსახურებენ ხელისუფლებას, რომელსაც ბიძინა ივანიშვილის, რუსეთის და საპატრიარქოს ეშინია.

„ჩვენ, საქართველოს მოქალაქეებმა კარგად ვიცით თანასწორობის ფასი, ფასი, რომელიც 1 წლის წინ სწორედ მოქალაქეებმა, საზოგადოებამ გადაიხადა საკუთარი სიცოცხლის ფასით ამ გამზირზე. შეუძლებელია იბრძოდე თავისუფლებისთვის, თუ არ გაქვს ღირსება. ღირსეული საზოგადოება გამოვიდა უღირსი ხელისუფლების წინააღმდეგ, იმიტომ, რომ საზოგადოებამ მოითხოვა ქვეყნის თავისუფლების ღირსეულად დაცვა, შეცდომის გამოსწორება, მისცა შანსი ამ უღირს ხელისუფლებას, არ გაჯიუტებულიყო საკუთარ შეცდომაში, მაგრამ დღემდე ჩვენი მთავრობა გაჯიუტებულია ამ შეცომაში და ეს უკვე შეცდომაც კი აღარ არის, ეს უკვე დანაშაულია თითოეული ჩვენგანის წინაშე.

ჩვენ არ ვიმსახურებთ მშიშარა ხელისუფლებას, ხელისუფლებას, რომელსაც ეშინია ბიძინა ივანიშვილის, ეშინია რუსეთის, ეშინია საპატრიარქოსი, ჩვენ არ ვიმსახურებთ ხელისუფლებას, რომელმაც არ იცის, სად არის სიმძიმის ძალა, რომელმაც არ იცის, სად არის ძლიერი იმიტომ, რომ ძლიერები აქ ვდგავართ და საქართველოს მოქალაქეზე მეტი ძალა არც ერთი ხელისუფლებისთვის არ არსებობს და განწირულია დამარცხებისთვის ის ხელისუფლება, რომელიც კარგავს კავშირს საკუთრ მოქალაქესთან.

ჩვენ, საქართველოს მოქალაქეები არ დავიღლებით იმ ბრძოლისთვის, რასაც ჰქვია თავისუფლება, რასაც ჰქვია თანასწორობა ყველა დონეზე. სახელმწიფო დონეზე თანასწორობა, პოლიტიკურ დონეზე თანასწორობა, ადამიანურ დონეზე თანასწორობა, იმიტომ, რომ ჩვენ ძალიან კარგად ვიცით, რომ ძალა მრავალფეროვნებაშია, მრავალფეროვნებაში უნდა შევქმნათ ეს ქვეყანა, მრავალფეროვანი წარმომადგენლობა უნდა იყოს პარლამენტში, იმიტომ, რომ თითოეული თქვენგანის ხმა უნდა ისმოდეს, თქვენი პოლიტიკური გემოვნების შესაბამისად უნდა იყოს დაკომპლექტებული საკანონმდებლო ორგანო.

ხვალ უმნიშვნელოვანესი დღეა. 1 წლის თავზე, როდესაც თვალები დათხარა გახარაიმ და მისმა ხელისუფლებამ თავისუფლებისთვის მებრძოლ ადამიანებს, ხვალ ოდნავ მაინც უნდა გამოასწოროს ის, რაც არ გააკეთეს 1 წლის განმავლობაში, ის, რასაც გააფთრებით ებრძვიან, ხვალ უნდა შეიქმნას პირობა იმისთვის, რომ მრავალფეროვნება პარლამენტში იყოს უზრუნველყოფილი, პროპორციები იყოს უზრუნველყოფილი და მივაღწიოთ თავისუფალ, თანასწორ გარემოს ამ ქვეყანაში და ვიქნებით ღირსეული საზოგადოება. ჩვენ არ დავუთმობთ საკუთარ ღირსებას არც გახარიას, არც ივანიშვილს და არავის დედამიწაზე, ჩვენ არ დავთმობთ ამ ღირსებას იმიტომ, რომ არ უნდა გაბედოს 1 წლის თავზე გავრილოვმა ბოდიშის მოხდის მოთხოვნა ჩვენგან, ეს არის ყველაზე მნიშვნელოვანი. ყველაზე სამწუხარო ის არის, რომ საქართველოში არც ერთი ადამიანი არ გრძნობს თავს დაცულად, არც ერთი არ გრძნობს, რომ მის უკან ხელისუფლება დგას და იცავს მის ინტერესებს, ამიტომ ხვალ დაველოდებით კიდევ პარლამენტის უნარიანობას, მიიღოს ის გადაწყვეტილება, რასაც დაგვპირდა ჩვენ, თუარადა ჩვენ არ დავიღლებით თავისუფლებისთვის ბრძოლაში. წინ მეგობრებო, წინ“, - განაცხადა კორძაიამ.

ცნობისთვის, 2019 წლის 20 ივნისიდან 1 წლის თავზე პარლამენტთან საპროტესტო აქცია - "ერთად ოკუპაციის წინააღმდეგ" მიმდინარეობს.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის