ელენე ხოშტარია - მინდა გავრილოვს, კადიროვს და პუტინს მივმართო, ბოდიშის მოხდა კი არა, ჩვენი ქვეყნის წინაშე დაჩოქება მოგიწევთ

მინდა გავრილოვს, კადიროვს და პუტინს მივმართო, ბოდიშის მოხდა კი არა, ჩვენი ქვეყნის წინაშე დაჩოქება მოგიწევთ, - ამის შესახებ „ევროპული საქართველოს“ ერთ-ერთმა ლიდერმა ელენე ხოშტარიამ, რუსთაველის გამზირზე მიმდინარე ანტისაოკუპაციო აქციაზე სიტყვით გამოსვლისას განაცხადა.

როგორც მან ასევე აღნიშნა, 20 ივნისი ტკივილის, ღირსების და „ქართული ოცნების“ სირცხვილის დღეა. მისი თქმით, ვინც ხელისუფლებაში მოვა, არავინ აღარ უნდა გაიფიქროს, საკუთარ მოქალაქეებზე ასე მოპყრობა.

„20 ივნისი ჩვენი გულებიდან და მეხსიერებიდან არასდროს ამოიშლება, ყოველთვის გვემახსოვრება და ყოველთვის მოვითხოვთ პასუხს იმაზე რაც ერთი წლის წინ, ამ დღეს მოხდა. 20 ივნისი არის ტკივილის დღე, იმიტომ, რომ დღეს აქ და სახლებშიც არიან ადამიანები, ვინც იმ ძალადობისგან საშინლად დააზარალდნენ. მე ხშირად ამ სახელების ხსენება არ მიყვარს, მაგრამ დღეს არ შეიძლება არ ვახსენო კობა ლეთოდიანი, რომელმაც ერთ თვალზე მხედველობა აფხაზეთის ომის დროს დაკარგა და მეორე თვალზე აი აქ, ქართველი პოლიციელებისგან, „ქართული ოცნებისგან“ და დღეს საერთოდ ვეღარ იხედება. ეს ტკივილი დაუვიწყარია და ვერასდროს ვერ წაიშლება. 20 ივნისი არის „ქართული ოცნების“ სირცხვილის დღე, რომელსაც ვერ მოიწმენდენ, მაგრამ ამასთანავე ეს არის ქართველი ხალხის ღირსების დღე. ღირსების, როდესაც ჩვენ ეს ქვეყანა ბიძინა ივანიშვილს, „ქართულ ოცნებას“ და გავრილოვს გამოვართვით და ვუთხარით, რომ გვეკუთვნის ჩვენ, ეკუთვნის დასავლეთს, თავისუფლებას და ადამიანის ღირსებას. ამიტომ, 20 ივნისს, მიუხედავად ტკივილისა, ჩვენ ძალიან დიდი ბრძოლა დავიწყეთ. ბრძოლა, რომელიც ოქტომბერში ძალიან დიდ ეტაპს გაივლის. ოქტომბერში ჩვენ ამ „ქართულ ოცნებას“ შევცვლით, მაგრამ ეს ბრძოლა კიდევ უფრო დიდია. ვინც ხელისუფლებაში მოვალთ არავინ აღარ გაიფიქროს, რომ თავის მოქალაქეებს ასე მოეპყროს. და ბოლოს, მე მინდა გავრილოვს, კადიროვს და პუტინს მივმართო. ბოდიშის მოხდა კი არა, ჩვენი ქვეყნის წინაშე დაჩოქება მოგიწევთ“,-განაცხადა ელენე ხოშტარიამ.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო