ის არის გამოცდილი პოლიტიკოსი და მან ყველაზე კარგად იცის, რას წარმოადგენს ივანიშვილი და მისი ხელისუფლება შიგნიდან, ამიტომ მისი როლი იქნება დადებითი ივანიშვილის რეჟიმის შეცვლის პროცესში , - ამის შესახებ ფრაქცია "ნაციონალური მოძრაობის" თავმჯდომარე რომან გოცირიძემ ჟურნალისტებს, გიორგი მარგველაშვილთან დაკავშირებით განუცხადა.
როგორც მან აღნიშნა, ოპოზიციურ ფლანგზე გიორგი მარგველაშვილის გააქტიურება მისასალმებელია.
"ჩვენ მივესალმებით ყველა იმ ადამიანის ჩართვას პოლიტიკაში, რომელიც ხელს შეუწყობს ამ დანაშაულებრივი რეჟიმის 8 წლიანი წარუმატებელი მმართველობის შეცვლას, რომელიც დროზე მოსაშორებელია; რეჟიმის, რომელმაც შეზღუდა დემოკრატია, ქვეყანა ჩააგდო უმძიმეს მდგომარეობაში და ერთმა ადამიანმა მოახდინა ქვეყნის უზურპაცია. ეს უნდა დამთავრდეს, მისთვის ვისაც აქვს პოლიტიკური რესურსი, ხალხის ნდობა და ვინც დადგება ოპოზიციურ ფლანგზე, რა თქმა უნდა მისასალმებელია და ეს ხელს შეუწყობს ივანიშვილის რეჟიმის შეცვლას", - განაცხადა გოცირიძემ.