დავით ბაქრაძე - "ნაციონალურმა მოძრაობამ" მიიღო განსხვავებული გადაწყვეტილება, მაგრამ მათ მოტივაციაში ეჭვი არ გვეპარება და პატივს ვცემთ

"ნაციონალურმა მოძრაობამ" მიიღო განსხვავებული გადაწყვეტილება და საკონსტიტუციო ცვლილების კენჭისყრაში მონაწილეობას არ მიიღებს, მაგრამ მათ მოტივაციაში ეჭვი არ გვეპარება. შესაბამისად, პატივს ვცემთ მათ გადაწყვეტილებას , - ამის შესახებ "ევროპული საქართველოს" ლიდერმა დავით ბაქრაძემ ჟურნალისტებს განუცხადა, რითაც "ნაციონალური მოძრაობის" გადაწყვეტილება შეაფასა.

ბაქრაძის თქმით, დანამდვილებით იცის, რომ ორივე პარტიას აუცილებლად მიაჩნია, 8 მარტის შეთანხმების შესრულება.

"დანამდვილებით ვიცი, რომ "ნაციონალური მოძრაობასაც" ისევე, როგორც ჩვენ, აწუხებს და უნდა ქვეყანაში პროპორციული საარჩევნო სისტემის შემოღება. მათაც ისე აწუხებთ გიორგი რურუას ბედი, როგორც ჩვენ. ამიტომ, ამ შემთხვევაში, ორივე პარტია ისე იქცევა, როგორც მას მიაჩნია სწორად და საუკეთესო გამოსავლად. ჩვენ სწორ და საუკეთესო გამოსავლად, ამ შემთხვევაში, მიგვაჩნია პირველი მოსმენით კენჭისყრაში მონაწილეობა და ამით იმ სცენარის გამორიცხვა, რომ "ქართული ოცნება" აგდებს პროპორციულ სისტემას. "ნაციონალურმა მოძრაობამ" მიიღო განსხვავებული გადაწყვეტილება, მაგრამ მათ მოტივაციაში ეჭვი არ გვეპარება და შესაბამისად, პატივს ვცემთ მათ გადაწყვეტილებას" , - განაცხადა ბაქრაძემ.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა