ირაკლი კობახიძე - „ევროპულმა საქართველომ“ დღემდე ვერ გაიგო, რა არის ხელისუფლების დანაწილება და რა არის სამართლებრივი სახელმწიფო და ალბათ, ვერც ვერასდროს გაიგებს
როდესაც „ევროპული საქართველო“ ითხოვს მმართველი პარტიისგან პატიმრის გათავისუფლებას, ამით ისინი ადასტურებენ, რომ დღემდე ვერ გაიგეს, რა არის ხელისუფლების დანაწილება და რა არის სამართლებრივი სახელმწიფო და ალბათ, ვერც ვერასდროს გაიგებენ, - ამის შესახებ პარლამენტის ყოფილმა თავმჯდომარე ირაკლი კობახიძემ ოპოზიციის მოთხოვნასთან დაკავშირებით განაცხადა, რომელიც პატიმარ გიორგი რურუას გათავისუფლებას ეხება.
კობახიძის თქმით, პატიმრის გათავისუფლება არა მმართველი პარტიის, არამედ სასამართლოს კომპეტენციაა.
„პატიმრის გათავისუფლება ვერ იქნება მმართველი პარტიის კომპეტენცია. ეს არის სასამართლოს კომპეტენცია და სასამართლო იღებს გადაწეყვეტილებებს ამასთან დაკავშირებით. როდესაც „ევროპული საქართველო“ ითხოვს მმართველი პარტიისგან პატიმრის გათავისუფლებას, ამით ისინი ადასტურებენ, რომ დღემდე ვერ გაიგეს, რა არის ხელისუფლების დანაწილება და რა არის სამართლებრივი სახელმწიფო და ალბათ, ვერც ვერასდროს გაიგებენ“, - განაცხადა კობახიძემ.
