ანზორ ბიწაძე - პროცესს ძალიან ყურადღებით აკვირდებიან საერთაშორისო პარტნიორები, დარწმუნებული ვარ კანონპროექტი ბოლომდე გავა და შეთანხმებაც შესრულდება

არსებობდა ძალიან დიდი რისკი, რომ კიდევ ერთხელ თაღლითურად ჩაეგდო "ქართულ ოცნებას" ცვლილებები , - ამის შესახებ "ერთიანი საქართველო- დემოკრატიული მოძრაობის" ერთ- ერთმა ლიდერმა ანზორ ბიწაძემ განაცხადა.

როგორც მან აღნიშნა, "ევროპული საქართველოს" გადაწყვეტილება კენჭისყრაში მონაწილეობის თაობაზე, სწორი და სახელმწიფოებრივი იყო.

"დღევანდელი შედეგი არის ძალიან კარგი, კიდევ უფრო მიუახლოვდა ყოველი ქართველი ამომრჩეველი იმას, რომ მისი ხმა არ დაიკარგოს და არ მოიპაროს "ქართულმა ოცნებამ". დღევანდელმა კენჭისყრამ ნათლად დაადასტურა ის, რომ ევროპული საქართველოს გადაწყვეტილება იყო სწორი სახელმწიფო ინტერესებიდან გამომდინარე. არსებობდა და არსებობს ძალიან დიდი რისკი, რომ კიდევ ერთხელ თაღლითურად ჩაეგდო "ქართულ ოცნებას" ცვლილებები. თუმცა, მათ მოუწევთ ეს შეთანხმება შეასრულონ თავიდან ბოლომდე, ამ პროცესს ძალიან ყურადღებით აკვირდებიან საერთაშორისო პარტნიორები და ფასილიტატორი ელჩები, ასე რომ, დარწმუნებული ვარ ეს კანონპროექტიც ბოლომდე გავა და შეთანხმებაც შესრულდება", - განაცხადა ბიწაძემ.

ცნობისთვის, პარლამენტმა საკონსტიტუციო ცვლილებების პროექტი პირველი მოსმენით დაამტკიცა. რეგისტრაცია პარლამენტის 142-მა წევრმა გაიარა, საიდანაც 136-მა საარჩევნო სისტემის ცვლილებაზე კონსტიტუციურ კანონის პროექტს მხარი დაუჭირა. 5 დეპუტატი, რომელმაც საკონსტიტუციო ცვლილებების პროექტს მხარი არ დაუჭირა, ბიძინა გეგიძე, ალექსანდრე ერქვანია, ემზარ კვიციანი, კახაბერ ოქრიაშვილი და დავით ჭიჭინაძეა. კენჭისყრაში მონაწილეობისგან თავი შეიკავა ნატო ჩხეიძემ.

პროექტის თანახმად, 2020 წლის საპარლამენტო არჩევნები შერეული საარჩევნო სისტემითა (120 პროპორციული, 30 მაჟორიტარული) და 1%-იანი ბარიერით ჩატარდება.

იხილეთ ვიდეო: პროცესს ძალიან ყურადღებით აკვირდებიან საერთაშორისო პარტნიორები, დარწმუნებული ვარ კანონპროექტი ბოლომდე გავა და შეთანხმებაც შესრულდება

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან