გეგმური სარეაბილიტაციო სამუშაოების გამო, „ენერგო-პრო ჯორჯია“-ს აბონენტების ნაწილს ელექტროენერგიის მიწოდება შეეზღუდება.

როგორც "ინტერპრესნიუსს" "ენერგო-პრო ჯორჯიადან" აცნობეს, ქსელის გეგმიური სარეაბილიტაციო სამუშაოების გამო, 23 ივნისს 10:00-დან 19:00 საათამდე ელექტროენერგიის მიწოდება შეეზღუდება აბონენტებს სოფელ დიღომში, დიდ დიღომსა, ჩარგალეთის, ხატაეთის ქუჩებსა და მიმდებარე ტერიტორიაზე, 10:30-დან 19:00 საათამდე აბონენტებს დუშეთის რაიონის სოფლებში კაიშაურები, ჭოპორტი, მაღრაანი, ახალი ოსები, კოშკასყელი, ლაფანაანთკარი და მიმდებარე სოფლებში, 14:30-დან 18:30 საათამდე აბონენტებს სტეფანწმინდაში, გერგეთის უბანზე, დევდორაკის მთაზე, დარიალსა და მიმდებარე ტერიტორიაზე.

მათივე ცნობით, სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.