ანა დოლიძის იუსტიციის საბჭოდან წასვლა ერთადერთი მართებული, თუმცა ძალიან დაგვიანებული გადაწყვეტილება იყო, - ამის შესახებ საპარლამენტო უმრავლესობის წევრმა ირაკლი კობახიძემ ჟურნალისტებს განუცხადა. მისი თქმით, ანა დოლიძე 1 წლის განმავლობაში უხეშად არღვევდა საქართველოს კანონმდებლობის მოთხოვნებს.
„რეალურად, ანა დოლიძე წელიწადზე მეტია პოლიტიკურ საქმიანობას სხვადასხვა ფორმით ეწევა. შესაბამისად, ეს ერთადერთი მართებული გადაწყვეტილება იყო, თუმცა ძალიან დაგვიანებული. არ შეიძლება იუსტიციის უმაღლესი საბჭოს წევრი 1 წლის განმავლობაში უხეშად არღვევდეს საქართველოს კანონმდებლობის მოთხოვნებს,“ - განაცხადა კობახიძემ.
შეგახსენებთ, რომ დღეს ანა დოლიძემ იუსტიციის უმაღლესი საბჭოს არამოსამართლე წევრის თანამდებობა დატოვა.