23 ივნისს, 10:00 საათზე, საქართველოს პრეზიდენტი სალომე ზურაბიშვილი ენერგოეფექტურობის მე-5 ყოველწლიურ გლობალურ კონფერენციას გახსნის, რომელიც პანდემიის გამო ონლაინფორმატში გაიმართება.

პრეზიდენტის ადმინისტრაციის ინფორმაციით, კონფერენციაში, რომელიც ენერგეტიკის საერთაშორისო სააგენტოს ორგანიზებით იმართება, მონაწილეობას მიიღებენ სხვადასხვა ქვეყნის მაღალი რანგის წარმომადგენლები, მათ შორის, ენერგეტიკის და გარემოს დაცვის მინისტრები, ევროკომისიის და საერთაშორისო ინსტიტუტების წარმომადგენლები.

კონფერენციაზე ხაზი გაესმება კორონავირუსის პანდემიის კონტექსტში ენერგოეფექტურობის მნიშვნელობასა და იმ ეკონომიკური და ენერგეტიკული გამოწვევების გადალახვას, რომლებიც შესაძლოა, ენერგოეფექტურობის გზით განხორციელდეს.

საქართველოს პრეზიდენტი ენერგეტიკის საერთაშორისო სააგენტოს ენერგოეფექტურობის სპეციალური, გლობალური კომისიის წევრია.

ღონისძიების შესახებ ინფორმაციის ნახვა შესაძლებელია ბმულზე:

https://www.iea.org/events/5th-annual-global-conference-on-energy-efficiency