სალომე ზურაბიშვილი - ზოგიერთი ქვეყნისთვის ენერგოუსაფრთხოებამ ეროვნული უსაფრთხოების მნიშვნელობა შეიძინა

ზოგიერთი ქვეყნისთვის ენერგოუსაფრთხოებამ ეროვნული უსაფრთხოების მნიშვნელობა შეიძინა, - ამის შესახებ საქართველოს პრეზიდენტმა სალომე ზურაბიშვილმა ენერგოეფექტურობის მე-5 ყოველწლიურ გლობალური კონფერენციის გახსნისას განაცხადა.

პრეზიდენტმა იმ გამოწვევებზე ისაუბრა, რომლების წინაშეც მსოფლიო კორონავირუსის პანდემიის გამო აღმოჩნდა.

„მსოფლიო იბრძვის კოვიდ 19-ის შედეგების დასაძლევად. პანდემიამ შეცვალა ენერგეტიკული და კლიმატური სურათი. ზოგიერთი ქვეყნისთვის ენერგოუსაფრთხოებამ ეროვნული უსაფრთხოების მნიშვნელობა შეიძინა. დაახლოებით 1 მილიარდ ადამიანს არ აქვს წვდომა ენერგეტიკულ რესურსებზე და პანდემია კიდევ უფრო ზრდის უთანასწორობისა და სიღარიბის დონეს ყველა საზოგადოებაში,“- განაცხადა სალომე ზურაბიშვილმა.

მისივე თქმით, მსოფლიო კორონავირუსით გამოწვეულ ეკონომიკურ კრიზისს ებრძვის და ეკონომიკური გაჯანსაღების მცდელობის პროცესში არსებობს რამდენიმე ფუნდამენტური კითხვა, რომელსაც პასუხი უნდა გაეცეს, მათ შორის, რა უნდა გააკეთონ ქვეყნებმა, რომ ენერგეტიკული სისტემები უფრო მოქნილი გახდეს, რა უნდა გაკეთდეს იმისთვის, რომ შემცირებული ემისიები კიდევ არ გაიზარდოს.

პრეზიდენტმა ასევე განაცხადა, რომ პანდემიამ ეკონომიკებსა და ენერგეტიკის სისტემებში არსებული სისუსტეები გამოავლინა.

„პანდემიამ ეკონომიკებსა და ენერგეტიკის სისტემებში არსებული სისუსტეები გამოავლინა. ამ გამოწვევების დროსაც კი ჩვენ გვაქვს შესაძლებლობა, დავაჩქაროთ ენერგო-ეფექტურობის ხელშემწყობი მოქმედება,“- განაცხადა სალომე ზურაბიშვილმა.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა