საქართველოს განათლების, მეცნიერების, კულტურისა და სპორტის სამინისტრო 19 წლის ფეხბურთელი გიორგი შაქარაშვილის გარდაცვალებასთან დაკავშირებით მწუხარებას გამოთქვამს.

„საქართველოს განათლების, მეცნიერების, კულტურისა და სპორტის სამინისტრო, მწუხარებას გამოთქვამს „საბურთალოს“ ახალგაზრდა ფეხბურთელის, გიორგი შაქარაშვილის ტრაგიკულად გარდაცვალების გამო და თანაუგრძნობს გიორგის ოჯახსა და მეგობრებს,“ - ნათქვამია სამინისტროს განცხადებაში.

შეგახსენებთ, რომ 22 ივნისს 4-დღიანი უწყვეტი საძიებო სამუშაოების შედეგად მყვინთავებმა გიორგი შაქარაშვილის ცხედარი წყალში იპოვეს. ის ლევან სამხარაულის სახელობის ექსპერტიზის ბიუროდან სახლში გადაასვენეს.