სალომე ზურაბიშვილი - საქართველო პატარა სახელმწიფოა, რომელსაც საბჭოთა მძიმე მემკვიდრეობად ერგო არაენერგოეფექტური შენობები, რომელთა შეცვლასაც ვცდილობთ

საქართველო არის პატარა სახელმწიფო, რომელსაც საბჭოთა მძიმე მემკვიდრეობად ერგო არაენერგოეფექტური შენობები, რომელთა შეცვლასაც თანდათანობით ვცდილობთ, - ამის შესახებ საქართველოს პრეზიდენტმა სალომე ზურაბიშვილმა ენერგოეფექტურობის მე-5 ყოველწლიური გლობალური კონფერენციის გახსნისას განაცხადა.

პრეზიდენტის თქმით, გარდამავალ პერიოდშიც კი, რომელშიც საქართველო იმყოფება შენობების უმეტესობა ჯერ კიდევ არაენერგოეფექტურია.

როგორც ზურაბიშვილმა აღნიშნა, საქართველომ დააჩქარა კანონმდებლობის მიღება და ენერგოეფექტური შენობებისთვის განკუთვნილი ახალი სტანდარტები და რეგულაციები უკვე დამტკიცდა.

„არსებული კრიზისის საპასუხოდ საქართველომ დააჩქარა ენერგოეფექტურობასთან დაკავშირებული კანონმდებლობის მიღება და გასულ კვირას წარადგინა ახალი სტანდარტები და რეგულაციები ენერგოეფექტური შენობებისთვის. დამატებით, ჩვენს საერთაშორისო პარტნიორებსა და დონორ ორგანიზაციებთან ერთად, რომელთა შორის, საერთაშორისო ენერგეტიკული სააგენტოც არის, საქართველო მუნიციპალური ტრანსპორტის მოდერნიზაციასა და შეცვლას ახორციელებს, აწესრიგებს გარე განათებას, ასევე წარმოადგინა ბიომასის საწვავის მიწოდების ჯაჭვის საპილოტე პროგრამა, ასევე ავითარებს ენერგოეფექტურ ინფრასტრუქტურას და მზის ენერგიის და თერმულ ტექნოლოგიებს განსაკუთრენით მოხუცთა სახლებსა და საბავშვო ბაღებში. აღსანიშნავია, რომ ეს ამცირებს ენერგიის ხარჯებს თითქმის 80%-ით. სამწუხაროა, რომ ჩვენ არ შეგვიძლია იგივე მომსახურება შევთავაზოთ ჩვენს მოქალაქეებს საქართველოს ოკუპირებულ ტერიტორიებზე, აფხაზეთსა და ცხინვალის რეგიონში. საქართველოს ყველა რეგიონში პროგრესის ტემპის ზრდა საჭიროებს ძლიერ პოლიტიკურ პასუხისმგებლობას, გრძელვადიან ენერგეტიკულ გეგმას, გაზრდილ საჯარო და კერძო დაფინანსებას, ადეკვატურ პოლიტიკასა და ფისკალურ სტიმულებს ახალი ტექნოლოგიების სწრაფად დანერგვისთვის,“- განაცხადა საქართველოს პრეზიდენტმა.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა