ეკა ბესელია - მე მგონია, რომ დღეს საკონსტიტუციო ცვლილებები იქნება მხარდაჭერილი - იქნება საკმარისი ხმები, თავად უმრავლესობა ცდილობს, რომ ეს პროცესი ბოლომდე მივიდეს

რაც შეეხება პარტიებს, ვინც ხმას არ აძლევს საკონსტიტუციო ცვლილებებს, მე მგონია, რომ შეცდომაა ეს პოზიცია. ექსპერიმენტების ჩატარება არ იქნება სწორი და ალბათ, უმჯობესია, თუ მხარს დაუჭერენ ამ ცვლილებებს, - ამის შესახებ დამოუკიდებელმა დეპუტატმა ეკა ბესელიამ პარლამენტში, პლენარული სხდომის დაწყებამდე, „ევროპული საქართველოს" და „ნაციონალური მოძრაობის" გადაწყვეტილების შეფასებისას განაცხადა.

თუმცა, როგორც დეპუტატი ამბობს, ცვლილებები სავარაუდოდ, მიღებული იქნება, რადგან „ქართული ოცნებაც“ გრძნობს, რამდენად დაზიანდება წინააღმდეგ შემთხვევაში პოლიტიკური პროცესი.

„მე მგონია, რომ დღეს ეს ცვლილებები იქნება მხარდაჭერილი. ახლა მგონია, რომ იქნება საკმარისი ხმები, თავად უმრავლესობა ცდილობს, რომ ეს პროცესი ბოლომდე მივიდეს, რადგან გრძნობენ რამდენად დაზიანდება პოლიტიკური პროცესი, თუ ეს ცვლილებები არ იქნება მხარდაჭერილი. რაც შეეხება პარტიებს, ვინც ხმას არ აძლევს, მე მგონია, რომ შეცდომაა ეს პოზიცია. განსაკუთრებით მაშინ, თუ პირველი მოსმენის დროს პრინციპების დონეზე არის მხარდაჭერილი, მე მგონია, რომ ექსპერიმენტების ჩატარება არ იქნება სწორი და ალბათ, უმჯობესია, თუ მხარს დაუჭერენ ამ ცვლილებებს," - განაცხადა ბესელიამ.

შეგახსენებთ, პარლამენტში საარჩევნო სისტემასთან დაკავშირებით საკონსტიტუციო ცვლილებების პაკეტის მეორე მოსმენა მიმდინარეობს.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა