ანა საბახტარაშვილი - სამშენებლო კომპანიებისთვის ინფრასტრუქტურის სამინისტროსთან კომუნიკაცია მნიშვნელოვანია, რათა უკეთესად დავგეგმოთ მომავალი პერიოდი

ინფრასტრქუტურულ პროექტებში ჩართულ კომპანიათა უმეტესობა უკვე აქტიურ ფაზაში გადავიდა და კრიზისული პერიოდის შემდგომ აგრძელებს სამუშაოების წარმოებას. მოხარული ვართ რომ კომუნიკაცია სამინისტროს მხრიდანაც აქტიურია განსაკუთრებით ასეთ პერიოდში, როდესაც ბევრი რისკის წინაშე ვდგავართ, უკეთესად უნდა დავგეგმოთ მომავალი პერიოდი“,- ამის შესახებ ინფრასტრუქტურის მშენებელთა ასოციაციის აღმასრულებელმა დირექტორმა ანა საბახტარაშვილმა ინფრასტრუქტურის სამინისტროს მუნიციპალური განვითარების ფონდის ღია კარის დღეზე განაცხადა.

მისი თქმით, შემოწმებული სამშენებლო კომპანიები დაწესებული ნორმების დაცვას მაღალი სიმკაცრით განაგრძოებენ.

„კრიზისის დროს, წინა ორი თვის განმავლობაში, აქტიური კომუნიკაცია გვქონდა როგორც შემსყიდველებთან, ასევე განსაკუთრებით, ჯანდაცვის სამინისტროსთან და ბიზნეს ომბუდსმენის აპარატთან. ძალიან ბევრმა კომპანიამ უკვე გაიარა შემოწმება, რომლებიც დღემდე აგრძელებენ მაღალი სიმკაცრით ნორმების დაცვას. გარკვეული ნორმების დაცვა საკმაოდ რთულია, განსაკუთრებით, სიმაღლეზე მუშაობის დროს პირბადის ტარება, თუმცა კომპანიები ცდილობენ, რომ ამან არ იმოქმედოს სამუშაოების შესრულების ხარისხზე“,- აღნიშნა ანა საბახტარაშვილმა, რომლის კომენტარს საქართველოს რეგიონული განვითარებისა და ინფრასტრუქტურის სამინისტრო ავრცელებს.

„საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა მიმდინარე წლის ბოლომდე დაგეგმილ მასშტაბურ ინფრასტრუქტურულ პროექტებთან დაკავშირებით ინფორმაციაა სამშენებლო კომპანიებს მიაწოდა“, - ნათქვამია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს