ეს არის ოპოზიციის მიმართ მოწოდება, რომ მხარი დაუჭირონ ცვლილებებს. ჩვენ ისედაც მივიღებთ ცვლილებებს, მაგრამ აუცილებელია, რომ ეს მოხდეს იმ კონსენსუსის საფუძველზე, რომელიც ჩვენი 8 მარტის შეთანხმების პათოსს გააგრძელებს,- ასე ეხმიანება პარლამენტის ვიცე- სპიკერი კახა კუჭავა ჟურნალისტებთან ევროკავშირის ელჩის, კარლ ჰარცელის განცხადებას.

მისი თქმით, ამ მოწოდებაში იკითხება, რომ ოპოზიციის რეპუტაცია დაზიანებულია.

„კარლ ჰარცელმა დატვიტა და არა მხოლოდ მან, ევროპარლენტარებისგანაც ვნახეთ მსგავსი ტვიტები, თუ რამდენად მიესალმებიან ისინი მეორე მოსმენით მიღებას და აქვე ძალიან მკაფიოდ ჩანს მოწოდება ოპოზიციის მიმართ, რომ მესამე მოსმენაზე მხარი დაუჭირონ საკონსტიტუციო ცვლილებებს. საბოლოო ჯამში ყველამ.

საბოლოო ჯამში ყველამ დაინახა, რომ „ქართული ოცნება" ასრულებს იმ დაპირებას, რომელიც 8 მარტის შეთანხმებით იქნა მიღწეული. რა თქმა უნდა, ეს არის ოპოზიციის მიმართ მოწოდება, რომ მხარი დაუჭირონ ცვლილებებს. ჩვენ ისედაც მივიღებთ ცვლილებებს, მაგრამ აუცილებელია, რომ ეს მოხდეს იმ კონსენსუსის საფუძველზე, რომელიც ჩვენ 8 მარტის შეთანხმების პათოსს გააგრძელებს“, - განაცხადა კუჭავამ.

ცნობისათვის, კარლ ჰარცელი მეორე მოსმენით საკონსტიტიციო ცვლილებების დამტკიცებას გამოეხმაურა და იმედი გამოთქვა, რომ 29 ივნისს, მესამე მოსმენისას მას 142 ხმა ექნება.