ბადრი ჯაფარიძე - სიტყვას აქვს ძალა და სიტყვას აქვს ფასი, რომელსაც შესრულება უნდა, ამას დავნერგავთ ქართულ პოლიტიკაში

თქვენ გვერდით ვდგავარ და აუცილებლად დაგიბრუნებთ იმ რწმენას, რომელიც სხვადასხვა ხელისუფლების დროს დაკარგეთ , - ამ სიტყვებით „ლელო საქართველოსთვის“ ლიდერმა, ბადრი ჯაფარიძემ ზესტაფონში პარტიის ოფისის გახსნისას ადგილობრივ მოსახლეობას მიმართა.

„ორი დღეა ჭიათურასა და ზესტაფონში ვხვდები ადამიანებს და ვგრძნობ, რომ საქართველოს მოქალაქეები ყველაზე მეტად სახელისუფლებო და პოლიტიკურმა ტყუილმა დააზიანა. აქ ვდგავარ თქვენს გვერდით, რომ დაგიბრუნოთ რწმენა და გითხრათ, რომ რასაც დაგპირდებით, აუცილებლად გავაკეთებთ. სიტყვას აქვს ძალა და სიტყვას აქვს ფასი, რომელსაც შესრულება უნდა. ამას ვაკეთებ მთელი ცხოვრება მამუკა ხაზარაძესთან ერთად და ამას დავნერგავთ ქართულ პოლიტიკაში”, - განაცხადა ბადრი ჯაფარიძემ.

პარტიის პრესსამსახურის ცნობით, „ლელო საქართველოსთვის“ ლიდერი ზესტაფონში ადგილობრივებს პარტიის შექმნის მიზანზეც ესაუბრა. მისი თქმით, „ლელოს“ მთავარი ამოცანაა, ადამიანებს იმედი დაუბრუნდეთ და პოლიტიკისადმი ნდობა გაეზარდოთ.

„ლელოს“ შექმნის მიზანია, ადამიანებს დავუბრუნოთ იმედი, ხვალინდელი დღის რწმენა და დავამტკიცოთ, რომ პოლიტიკა ტყუილების ფრქვევა არ არის, რასაც დღემდე ვხედავთ. პოლიტიკა უნდა იყოს საპასუხისმგებლო სფერო, როდესაც ადამიანები თავის ქვეყანას ემსახურებიან და არა პირად ინტერესებს”, - აღნიშნა ბადრი ჯაფარიძემ.

„ლელოს“ ლიდერმა იმედი გამოთქვა, რომ მოსახლეობასთან ერთად ქვეყანას უკეთესობისკენ შეცვლის.

„ჩვენ გვინდა, რომ თქვენთან ერთად შევცვალოთ ეს ქვეყანა უკეთესობისკენ, რათა თითოეული თქვენგანი გრძნობდეს, რომ ქვეყანაში მნიშვნელოვანი ადგილი უჭირავს. ჩვენ დავიწყეთ მშენებლობა რწმენისა და იმედის. დარწმუნებული ვარ, მომავალი აუცილებლად უკეთესი იქნება და თქვენ თვითონ დარწმუნდებით, რომ თქვენში დევს უდიდესი ძალა ცვლილებების და ახალი დღის წესრიგის შექმნის. ჩვენ ერთად შეგვიძლია ამ ქვეყნის შეცვლა“, - განაცხადა ბადრი ჯაფარიძემ.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა