უკრაინის დასავლეთში, ძლიერმა წვიმამ დიდი ტერიტორიების დატბორვა გამოიწვია. ასობით მოსახლე იძულებული გახდა საცხოვრებელი სახლი მიეტოვებინა.
ყველაზე მეტად დაზარალდა ჩერნოვცისა და ივანო-ფრანკოვსკის რეგიონები, სადაც ათობით ქალაქს წყალდიდობა დაატყდა თავს.
უკრაინის საგანგებო სამსახურის ინფორმაციით, ჩერნოვცის მხარეში სტიქიამ დაანგრია ორი კაშხალი, რის გამოც 300-ზე მეტი ადგილობრივის ევაკუაცია გახდა საჭიროს. საგანგებო სამსახურის თანამშრომლები მდინარეებთან ახლოს განათავსეს, რადგან სინოპტიკოსები წყლის დონის მატებასა და მდინარეების ჯებირებიდან გადმოსვლას პროგნოზირებენ.