შტატის ადგილობრივი მთავრობები კულტურული მემკვიდრეობის დასაცავად უკიდურესად სუსტი აღმოჩნდნენ, - ამის შესახებ აშშ-ის პრეზიდენტმა დონალდ ტრამპმა არიზონას შტატის ქალაქ იუმაში ვიზიტისას განაცხადა.

მისი თქმით, ქვეყნის მასშტაბით ძეგლების დაზიანებისა და ნგრევის ფაქტები დაუშვებელია.

პრეზიდენტმა შტატების ადგილობრივ ხელისუფლებას საჭიროების შემთხვევაში ფედერალური მთავრობის დახმარება შესთავაზა.

„შტატები იყვნენ უკიდურესად სუსტი მათი მემკვიდრეობის და მათი კულტურის დაცვაში. ასე რომ, შტატებს მოუწევთ საკუთარ თავზე ზრუნვა, თუმცა ჩვენ დახმარებისთვის მზად ვართ. თუ მათ სურთ, ჩვენ სიხარულით დავეხმარებით“, – განაცხადა დონალდ ტრამპმა.

პრეზიდენტის თქმით, პირებს, რომლებიც ძეგლებს დააზიანებენ, ერთწლიანი პატიმრობა ემუქრებათ.

იხილეთ ვიდეო: დონალდ ტრამპი - შტატის ადგილობრივი მთავრობები კულტურული მემკვიდრეობის დასაცავად უკიდურესად სუსტები აღმოჩნდნენ