გიორგი კაკაურიძე - ბიუჯეტის პროექტთან დაკავშირებით გამოთქმული ბრალდებები აბსურდულია

ნაწილი ამბობს, რომ ბიუჯეტი ხალხზე არ არის ორიენტირებული, მეორე ნაწილი ამბობს, რომ არჩევნებზეა ორიენტირებული. თუ ლოგიკას დავუქვემდებარებთ, თუ არჩევნებზეა ორიენტირებული, მაშინ ის მაქსიმალურად ხალხზე უნდა იყოს ორიენტირებული, - ასე პასუხობს ფინანსთა მინისტრის მოადგილე გიორგი კაკაურიძე ოპოზიციის კრიტიკას ბიუჯეტთან დაკავშირებით.

მისი თქმით, გამოთქმული ბრალდებები აბსურდულია.

"ბევრი აბსურდული ბრალდება გავიგე ამ ბიუჯეტთან მიმართებაში. ეს არის ბიუჯეტი, რომელშიც სრულად არის ასახული 3.4 მილიარდი ლარის ოდენობით საფინანსო რესურსი, რომელიც ანტიკრიზისული გეგმით დასაფინანსებელი ღონისძიებებისთვის არის საჭირო. ეს არის მთლიან შიდა პროდუქტთან მიმართებაში 6 პროცენტზე მეტი. ეს ბიუჯეტი ითვალისწინებს არა მხოლოდ დღევანდელ სიტუაციას, არამედ მზად არის უფრო რთულ ეპიდემიოლოგიურ და ეკონომიკურ შემთხვევაში დააფინანსოს ჯანდაცვის, სოციალური და ბიზნესის მხარდაჭერის მიმართულებები. ამიტომ ვფიქრობ, პარლამენტის უმრავლესობა დაუჭერს მას მხარს," - განაცხადა კაკაურიძემ.

შეგახსენებთ, დღეს პარლამენტში, პლენარულ სესიაზე 2020 წლის ბიუჯეტის კორექტირებულ პროექტს განიხილავენ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს