ირაკლი კობახიძე - ოპოზიცია შესულია ჩიხში და შეცდომას შეცდომაზე უშვებს

ისინი არიან აბსოლუტურ ჩიხში და შეცდომას შეცდომაზე უშვებენ. ამის გამოხატულება არის აკაკი ბობოხიძის აღიარებითი ჩვენება იმასთან დაკავშირებით, რომ მათ სურთ შეთანხმების ჩაშლა, - ამის შესახებ პარლამენტის ყოფილმა თავმჯდომარე ირაკლი კობახიძემ ჟუენალისტებთან განაცხადა.

მისი თქმით, მათი ინტერესია, რომ პროცესების რადიკალიზაცია მოხდეს, რადგან არც ერთი საარჩევნო სისტემით, არჩევნებში არანაირი შანსი არ აქვთ.

"მათ ინტერესებშია, რომ ჩავარდეს საკონსტიტუციო ცვლილებების პროექტი. ეს არის ერთადერთი პოლიტიკური ძალა - რადიკალური ოპოზიცია, რომელსაც არ სურს საკონსტიტუციო ცვლილებების გასვლა. მათ იციან, რომ არჩევნებში არც ასეთი და არც ისეთი სისტემით არავითარი შანსი არ აქვთ. შესაბამისად, ერთადერთი მათი ინტერესია პროცესების რადიკალიზაცია, თუმცა აქაც მათი რესურსი არის აბსოლუტურად ნულოვანი. ისინი არიან აბსოლუტურ ჩიხში და შეცდომას შეცდომაზე უშვებენ. ამის გამოხატულება არის აკაკი ბობოხიძის აღიარებითი ჩვენება იმასთან დაკავშირებით, რომ მათ სურთ შეთანხმების ჩაშლა. ამას ვერ ეღირსებიან. 29 ივნისს გაიმართება მესამე მოსმენით განხილვა და 116 ხმით გავა საკონსტიტუციო ცვლილებები, ამის ყველანაირი რესურსი არსებობს. ის, რომ ახლოს ვართ 113-იან ნიშნულთან, ეს არის "ნაციონალური მოძრაობისა" და "ევროპული საქართველოს" პასუხისმგებლობა, რომლებიც ღიად უპირისპირდებიან იმ შეთანხმებას, რომელსაც ხელი მოაწერეს ელჩების თანდასწრებით. ეს არის მათი პოლიტიკური პასუხისმგებლობა და პოლიტიკურად ამაზე პასუხს აუცილებლად აგებენ. არავის შერჩება ის, რომ ისინი ელჩების წინააღმდეგ მიდიან. ეს ისე არ ჩაივლის, რომ ამაზე რეაგირება არ მოხდეს," - განაცხადა კობახიძემ.

მისი თქმით, ოპოზიციაში წინა ფლანგზე კრიმინალები არიან.

"რაც შეეხება რურუას, საქართველოში პოლარიზაციას იწვევს არა ის, რომ კრიმინალები სხედან ციხეში, არამედ ის, რომ კრიმინალები არიან პოლიტიკაში. ეს არის მთავარი განმაპირობებელი ფაქტორი იმ პოლარიზაციის, რომელიც დღეს გვაქვს ანუ, კრიმინალები უნდა იყვნენ ციხეში და არა - პოლიტიკაში. სანამ სხვანაირად იქნება და სამწუხაროდ, დღეს სხვანაირად არის, მანამდე იქნება პოლარიზაცია. ეს ვითარება უნდა შეიცვალოს და სწორედ ამიტომ გვყავს კრიმინალური ოპოზიცია. ოპოზიციაში წინა პლანზე კრიმინალები არიან. ფაქტობრივად, რურუა გამოცხადებულია, როგორც ოპოზიციის არაფორმალური ლიდერი, რაც ყველაფერზე მეტყველებს," - განაცხადა კობახიძემ.

იხილეთ ვიდეო:ირაკლი კობახიძე - ოპოზიცია შესულია ჩიხში და შეცდომას შეცდომაზე უშვებს

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა