გია ვოლსკი აზარტული და მომგებიანი თამაშობების შესახებ კანონში ცვლილებებზე - ასე ხომ არ არის, აიღო და ჩაკეტო? ჩაკეტავ და გადავა იატაკქვეშ და მძიმე მაფიოზური სიტუაცია შეიქმნება

ასე ხომ არ არის, აიღო და ჩაკეტო? ჩაკეტავ და გადავა იატაკქვეშ და გაცილებით უფრო მძიმე მაფიოზური სიტუაცია შეიქმნება, ფრთხილად უნდა ყველაფერს მიდგომა, - ამის შესახებ პარლამენტის ვიცე-სპიკერმა გია ვოლსკიმ პარლამენტის პლენარულ სხდომაზე განაცხადა, სადაც „ლატარეების, აზარტული და მომგებიანი თამაშობების მოწყობის შესახებ“ კანონში შესატან ცვლილებებს განიხილავენ.

მისი თქმით, აღნიშნულ საკითხზე მუშაობა მიმდინარეობს და ემოციური განცხადებები სპეკულაციებში გადადის.

„ერთი წუთითაც არ მინდა რამე არაეთიკური ვუთხრა ჩემს კოლეგებს და რამით გული დავწყვიტო, მითუმეტეს, თუ თემა საშუალებას იძლევა ხმას აუწიო და ჩინოვნიკების ჯიბეზე და სახელისუფლებო სტრუქტურების ფინანსურ დაინტერესებაზე ილაპარაკო, რასაკვირველია, ეს თემა ძალიან მომგებიანია. არც მე არ მომწონს განსაკუთრებით რეკლამა. საქართველო ასეთი დიდი კულტურის, დიდი წარსულის, არაჩვეულებრივი გარემოს და ხალხის ქვეყანა წარმოდგენილია როგორც გეიმბლინგის ადგილად, მაგრამ ეს ყველაფერი კანონპროექტში წერია. ასე ხომ არ არის, აიღო და ჩაკეტო? ჩაკეტავ და გადავა იატაკქვეშ და გაცილებით უფრო მძიმე მაფიოზური სიტუაცია შეიქმნება ისევე როგორც იატაკქვეშ გადავიდა ამერიკაში თავის დროზე ალკოჰოლის გაყიდვა და მაფიოზური სისტემა ჩამოყალიბდა. ფრთხილად უნდა ყველაფერს მიდგომა. როგორ შეიძლება ყველაფერზე ასეთი განცხადებების გაკეთება და კიდევ ხალხი გააღიზიანო, რომ ვითომ ამის ინტერესი ვინმეს ჰქონდეს. მნიშვნელოვანი, კარგი საკითხებია, მათ შორის, ლევან გოგიჩაიშვილის მიერ დაყენებული, მაგრამ ხომ უნდა დაესწრო თათბირს, ხომ უნდა მიხვიდე, იმსჯელო ამ საკითხებთან დაკავშირებით, რომ გააცდენ ამ შეხვედრას ერთხელ და ორჯერ, მერე აღარ უნდა გამოხვიდე ამ ტრიბუნაზე და არ უნდა იკივლო და იწივლო. ესაა რელობა. მუშაობაა საჭირო და მუშაობას ვერ შეცვლის ემოციური განცხადებები, რაც პოლიტიკურ სპეკულაციაში გადადის“,- განაცხადა ვოლსკიმ.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო