საავტომობილო გზების დეპარტამენტის ინფორმაციით, დეპარტამენტმა კომპანია „სინოჰიდროსთან“ დავა მოიგო

საქართველოს ინფრასტრუქტურის სამინისტროს საავტომობილო გზების დეპარტამენტსა და მის კონტრაქტორ კომპანია „Sinohydro Corporation Limited“-ს შორის მიმდინარე დავა საავტომობილო გზების დეპარტამენტის სასარგებლოდ დასრულდა. აღნიშნულ ინფორმაციას საავტომობილო გზების დეპარტამენტი ავრცელებს. მათივე ინფორმაციით, დეპარტამენტსა და „Sinohydro Corporation Limited“-ს შორის დავა წარმოებდა ქობულეთის შემოვლითი გზის მშენებლობაზე 2012 წლის 26 ნოემბერს გაფორმებული ხელშეკრულების საფუძველზე.

"დავის ინიციატორი კონტრაქტორი კომპანია იყო, რომელმაც ხელშეკრულებით განსაზღვრულ დავების საბჭოს 2019 წლის 19 დეკემბერს მიმართა და სამშენებლო მოედნის დაგვიანებით გადაცემის გამო დეპარტამენტისგან დაახლოებით 38 მილიონი ლარის გადახდა მოითხოვა. დავების საბჭომ, 2020 წლის 23 ივნისს მიღებული გადაწყვეტილებით, არ დააკმაყოფილა „Sinohydro Corporation Limited“-ს მოთხოვნები და დაადგინა, რომ კონტრაქტორი კომპანია არ არის უფლებამოსილი მოითხოვოს საავტომობილო გზების დეპარტამენტისგან რაიმე სახის ზიანის ანაზღაურება. დავების საბჭომ კონტრაქტორის მოთხოვნები მიიჩნია დაუსაბუთებლად როგორც ხელშეკრულებიდან, ისე ქართული კანონმდებლობიდან გამომდინარე. იმ შემთხვევაში, თუ „Sinohydro Corporation Limited“ დავას გააგრძელებს საარბიტრაჟო სასამართლოში, საავტომობილო გზების დეპარტამენტი არბიტრაჟშიც დაიცავს საკუთარ ინტერესებს. ქობულეთის შემოვლითი გზის მეორე სექტორის სამუშაოები „Sinohydro Corporation Limited“-მა 2018 წლის ივნისში დაასრულა. კომპანია ამჟამად მუშაობს სამტრედია-გრიგოლეთის საავტომობილო გზის მეორე მონაკვეთზე, რომელზე ფაქტობრივად დასრულებული აქვს სამშენებლო სამუშაოები და აგრძელებს მუშაობას ხაშურის შემოვლითი გზის მშენებლობაზე,"-ნათქვამია ინფორმაციაში.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა