ეკა ბესელია - კობახიძეს პირდაპირი მნიშვნელობით თმები ყალყზე უდგება, როგორც კი სასამართლოში კლანს ვახსენებ - ეს მისთვის მტკივნეული თემაა, რადგან ის არის ლობისტი კლანის, დამხმარე ბიჭუნა პარლამენტში

დამოუკიდებელი დეპუტატი ეკა ბესელია მის შესახებ პარლამენტის ყოფილი თავმჯდომარის ირაკლი კობახიძის დღევანდელ განცხადებას გამოეხმაურა და მას სასამართლო სისტემაში „კლანის დამხმარე" უწოდა.

ბესელიას შეფასებით, ირაკლი კობახიძე ძალადობრივ სისტემას ხელს აფარებს.

„კობახიძეს მართლაც პირდაპირი მნიშვნელობით თმები ყალყზე უდგება ხოლმე, როგორც კი სასამართლოში კლანს ვახსენებ. ეს მისთვის ძალიან მტკივნეული თემაა, რადგან ის არის ღია ლობისტი იმ კლანის, ერთი დამხმარე ბიჭუნა პარლამენტში. ჯერ პარლამენტის თავმჯდომარის სავარძლიდან იყო მათი დამხმარე ბიჭუნა, ახლა როგორც პარლამენტის რიგითი წევრი, მაგრამ ალბათ, მათი კლანის საპატიო წევრიც გახდა ამდენი „ამაგის" შემდეგ. ეს კლანი ზუსტად განასახიერებს იმ ძალადობრივ სისტემას და რეჟიმს, როდესაც ამ მოსამართლეეების გარეშე უბრალოდ ვერ მოხდებოდა. იმ პერიოდში, როდესაც წინა რეჟიმის დროს ამ ძალადობრივ სისტემას ეს მოსამართლეები, მათ შორის ყველაზე დიდ პატრონაჟს უწევდნენ, კობახიძე და მის მიერ მოყვანილი პატარა, გამოუცდელი გოგო-ბიჭები, რომლებიც პარლამენტში შემოვიდნენ და ამ კლანის ღია ლობისტები გახდნენ, არცერთ თქვენგანს არ გახსოვთ მათი ამოღებული ხმა",- აცხადებს ბესელია და აღნიშნავს, რომ მისთვის კობახიძის განცხადებები ღიმილისმომგვრელია.

„მის გამონათქვამებზე მეცინება და ამას სერიოზულად არ ვუყურებ. თუ ვინმე ხელს აფარებს იმ ძალადობრივ სისტემას და თუ ვინმე ამაგრებს, ეს არის სწორედ კობახიძე და მისი გუნდი. სხვათაშორის, ცოტა ხნის წინ პარლამენტში მისი ფამილარული მიმართვაც ამის დამადასტურებელი იყო. ეს ის კობახიძეა, რომელმაც თქვა, რომ მოსამართლეები, რომლებიც ჯალათების როლში იყვნენ, კარგები გახდნენ, რადგან „ქართულ ოცნებას ემსახურებიან", - განაცხადა ბესელიამ.

ცნობისთვის, დღეს პარლამენტის ყოფილმა თავმჯდომარემ ირაკლი კობახიძემ განაცხადა, რომ ეკა ბესელია „ნაციონალური მოძრაობის" ღია ქომაგი გახდა, მათ შორის იმ ადამიანების, ვინც მისი შეფასებით, პარტიის კრიმინალურ წარსულს უკავშირდება.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო