სადაზღვევო კომპანია „ალდაგი“ - „ალდაგი“ 30 წლის გახდა - ის ერთ-ერთი პირველი კერძო კომპანიაა, რომელიც დამოუკიდებელ საქართველოში დაფუძნდა და დღემდე სფეროს ლიდერად რჩება

სადაზღვევო კომპანია „ალდაგი“ 30 წლის გახდა. ის ერთ-ერთი პირველი კერძო კომპანიაა, რომელიც დამოუკიდებელ საქართველოში დაფუძნდა და დღემდე სფეროს ლიდერად რჩება, - ამის შესახებ „ალდაგის“ მიერ გავრცელებულ ინფორმაციაშია აღნიშნული.

კომპანიის ინფორმაციით, დღეს ალდაგის პორტფელშია 100,000 მდე დაზღვეული კლიენტი როგორც კორპორატიულ, ისე საცალო სექტორში. 30 წლის განმავლობაში კომპანიის მიერ ადამიანებისა და კომპანიებისთვის ანაზღაურებული თანხა 320 მლნ ლარს შეადგენს.

„დაფუძნებიდან დღემდე, „ალდაგი“ სტაბილურად თანამშრომლობს საერთაშორისო მაღალრეიტინგულ გადამზღვევლებთან. ალდაგი იყო პირველი, ვინც საქართველოში შემოიყვანა კომპანია Swiss Re და მასთან ერთად მთელი რიგი წამყვანი კომპანიები. დღეს ალდაგის საერთაშორისო პარტნიორებს შორის არიან: HANNOVER RE, TRANS RE, AXA XL (XL Catlin), POLISH RE, AIG and LLOYD’S OF LONDON. ბოლო 16 წლის განმავლობაში საერთაშორისო პარტნიორებისგან ალდაგმა ქვეყანაში 87 მილიონ ლარამდე შემოიტანა“, - ნათქვამია ინფორმაციაში.

კომპანიისვე ინფორმაციით, „ალდაგი“ იყო პირველი, რომელმაც დაიწყო აგრომეურნეების დაზღვევა საქართველოში და მხოლოდ ამ მიმართულებით 2014 წლიდან 15 მილიონი ლარი აქვს ანაზღაურებული.

„ალდაგმა“ შექმნა არაერთი საცალო და კორპორატიული სადაზღვევო პროდუქტი და დღესაც ერთ-ერთ ინოვატორად რჩება ახალი პროდუქტებისა თუ სერვისების დანერგვის კუთხით. 30 წლის განმავლობაში, ალდაგმა არაერთი შერწყმა და ტრანსფორმაცია განახორციელა ზრდისა და განვითარების მიზნით. დღეს ის აღიარებულია საუკეთესო სადაზღვევო კომპანიად საქართველოსა და კავკასიის რეგიონში (EUROMONEY, world finance, global brand magazine). 2020 წელს ალდაგი ფლობს ბაზრის 44% წილს აგროდაზღვევაში, 35% წილს ტვირთების დაზღვევაში, 34% ქონების დაზღვევაში და 25% წილს ავტოდაზღვევაში. ალდაგი 600 ადამიანზე მეტს ასაქმებს და ერთ-ერთი საუკეთესო დამსაქმებელია, როგორც შიდა პოლიტიკის, ისე თანამშრომლებში ინვესტიციისა და მოტივაციის კუთხით. წელს, ალდაგმა სადაზღვევო ბაზარზე პირველმა შეძლო სრულად ციფრული ტრანსფორმაცია ხელოვნური ინტელექტისა და ბლოკჩეინ ტექნოლოგიების გამოყენებით, რაც ალდაგის მომხმარებლისთვის კიდევ უფრო უსაფრთხო, დახვეწილ და მაღალი ხარისხის მომსახურებას ნიშნავს. ალდაგი იყო პირველი 2020 წელს, რომელმაც მნიშვნელოვანი ნაბიჯები გადადგა ხელმისაწვდომი საცალო პროდუქტების განვითარების კუთხით“, - აღნიშნულია ინფორმაციაში.

„30 წლის გამოცდილება, ექსპერტიზა რისკების მართვასა და მომხმარებელთან ურთიერთობაში, ალდაგს აძლევს საშუალებას, იყოს საიმედო პარტნიორი, როგორც საქართველოში - ადამიანებისა და კომპანიებისთვის, ისე საერთაშორისო პარტნიორებთან ურთიერთობაში. მოხარული ვართ, რომ წლების განმავლობაში შევძელით შეგვექმნა დაზღვევის სტანდარტი, ვყოფილიყავით სანდო და სტაბილური პარტნიორი და ხელი შეგვეწყო ადამიანებისა და ბიზნესებისთვის განვითარებულიყვნენ მშვიდ და სტაბილურ გარემოში“,- განაცხადა „ალდაგის“ გენერალურმა დირექტორმა, გიორგი ბარათაშვილმა.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო