„ჯივიპი“ საბურთალოს რაიონში, 13 ასურელი მამის ქუჩაზე, წყალმომარაგების ქსელზე სარეაბილიტაციო სამუშაოებს ახორციელებს
„ჯორჯიან უოთერ ენდ ფაუერი”, დედაქალაქის სტაბილური წყალმომარაგებისთვის, მნიშვნელოვან სარეაბილიტაციო პროექტებზე მუშაობას ყველა რეკომენდაციის დაცვითა და გათვალისწინებით აგრძელებს. ამის შესახებ ინფორმაციას კომპანია „ჯივიპი“ ავრცელებს.
მათი ცნობით, კომპანია საბურთალოს რაიონში, 13 ასურელი მამის ქუჩაზე, წყალმომარაგების სისტემის სრულ რეაბილიტაციას ახორციელებს.
„პროექტის ფარგლებში სრულად განახლდა ერთ კილომეტრამდე სიგრძის წყალმომარაგების ქსელი. ახალ ქსელზე ევროსტანდარტის ჩამკეტ-მარეგულირებელი ურდულები და სახანძრო ჰიდრანტები მოეწყო.
ამჟამად, ჯივიპი რეაბილიტაციის ბოლო ეტაპს - ახალ ქსელზე გადაერთებით სამუშაოებს აწარმოებს.
აღნიშნული პროექტის რეაბილიტაციაში ჯივიპიმ 150 ათას ლარამდე ინვესტიცია განახორციელა”,- ნათქვამია ინფორმაციაში.
