ატმოსფერული ჰაერის ხარისხი, ბუნებრივი აირის მოხმარების უსაფრთხოება, მშენებლობასთან დაკავშირებული რეგულაციები, დიდი ინფრასტრუქტურული პროექტების განხორციელებისას ადამიანის უფლებების გათვალისწინება; ჰიდროელექტროსადგურების მშენებლობასთან დაკავშირებული პოლიტიკის დოკუმენტები და გარემოზე ზემოქმედების შეფასების ხარვეზიანი პროცესი ის საკითხებია, რომელთა გაუმართაობა ეკოლოგიურ პრობლემას ერთ-ერთ უმთავრეს გამოწვევად წარმოაჩენს, - ამის შესახებ „ინტერპრესნიუსს’ სახალხო დამცველის აპარატიდან აცნობეს.

მათივე ცნობით, სხვა რეკომენდაციებთან ერთად, სახალხო დამცველმა წინადადებით მიმართა საქართველოს პარლამენტს, დროულად შეიმუშაოს უნიფიცირებული რეგულაციები, გარემოზე ზიანის მიყენების ეფექტიანი პრევენციისა და დამდგარი ზიანის რეალური აღმოფხვრისათვის საჭირო მექანიზმების გარანტირების მიზნით, მათ შორის, ნათლად გაიწეროს პასუხისმგებელი უწყებები და მათი კომპეტენციები.