მამუკა მდინარაძე - ნიკა გვარამიამ თავად აღიარა, რომ რურუა არის კრიმინალური ავტორიტეტი

ნიკა გვარამიამ დღეს თავად აღიარა, რომ რურუა არის კრიმინალური ავტორიტეტი, - ამის შესახებ მედიასთან საუბრისას საპარლამენტო უმრავლესობის ლიდერმა, მამუკა მდინარაძემ განაცხადა.

„გუშინ მთელმა ქვეყანამ იხილა, რამდენად მწვავე რეაქცია ჰქონდა პირადად ნიკა გვარამიას იმასთან დაკავშირებით, რომ მმართველი პარტიის ნიუსლეთერში მოხვდა ინფორმაცია რურუას შესახებ და დღეს თავად აღიარეს, რომ რურუა არის კრიმინალური ავტორიტეტი”, - განაცხადა მამუკა მდინარაძემ.

მისი თქმით, ნიკა გვარამია საკუთარი სიტყვებით, რომ რურუა ხელს შეუშლის ქუჩის მაკონტროლებლების ქმედებას, აღიარებს რურუას კრიმინალურ ავტორიტეტობას. ხოლო ცალკე საკითხია, არსებობენ თუ არა ავტორიტეტები, რომელსაც ,,ქართული ოცნება“ საარჩევნო კონტექსტში იყენებს. ამ ტყუილ დაშვებაში სიმართლე მხოლოდ გვარამიას აღიარებაა.

,,აქედან გამომდინარე მე მგონია ყველაფერი ნათელია. ასეთი არათანმიმდევრულობა არის ბოლო დროს განვითარებული მოვლენების შედეგი, ისინი უკვე ვეღარ აკონტროლებენ სიტყვებს, ქცევებს, გუშინ საუბრობდნენ, რა საშინელება გააგზავნა მმართველმა პარტიამ საერთაშორისო პარტნიორებთან რურუას შესახებ, რაც დააბრალეს კახა კუჭავას და დღეს საუბრობენ, რომ რურუა კრიმინალური ავტორიტეტია“, - აცხადებს მამუკა მდინარაძე.

ინფორმაციას საქართველოს პარლამენტის პრესსამსახური ავრცელებს.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
"პარვუს ჯგუფი" ოზურგეთის ინტერნეტიზაციის შესახებ მედიაში გავრცელებულ ცრუ ინფორმაციას ეხმაურება (R)
ბათუმში დიჯიტალ ტვ-ის ოფისი გაიხსნა