მერაბ ტურავა - ვფიქრობ, შევძლებ, წარმოვაჩინო საქართველოს საკონსტიტუციო სასამართლო  როგორც ქვეყნის შიგნით, ასევე საერთაშორისო ასპარეზზე

საქართველოს საკონსტიტუციო სასამართლოს ახლად არჩეულმა თავმჯდომარემ მერაბ ტურავამ მედიასთან არჩევის შემდეგ პირველი კომენტარი გააკეთა.

როგორც მან აღნიშნა, ექვსწლიანი მუშაობს გამოცდილება აძლევს შესაძლებლობას, რომ საკონსტიტუციო სასამართლოს თავმჯდომარის პოზიციას წარმატებით გაართმევს თავს.

"დღეიდან უფლებამოსილი ვარ შევუდგე მუშაობას და ვეცდები თქვენთან მედიასთან ვიყო გახსნილი და საკონსტიტუციო სასამართლომ ყველა კითხვას გასცეს პასუხი. მაქვს საკონსტიტუციო სასამართლოში მუშაობის გამოცდილება, ექვსი წელი ვიყავი უზენაესი სასამართლოს მოსამართლე და ვფიქრობ, თუ ამას დავუმატებთ, ჩემს აკადემიურ საქმიანობასა და გამოცდილებასაც, ვფიქრობ, შევძლებ, წარმოვაჩინო საქართველოს საკონსტიტუციო სასამართლო როგორც ქვეყნის შიგნით, ასევე საერთაშორისო ასპარეზზე", - განაცხადა მერაბ ტურავამ.

საკონსტიტუციო სასამართლოს თავმჯდომარე პარტია "ლელო საქართველოს" საპროტესტო აქციასაც გამოეხმაურა და აღნიშნა, რომ ეს იყო დემოკრატიის გამოხატულება.

"ის, რომ აქცია იმართება და აზრის გამოხატვა ხდება, ესაა დემოკრატიის გამოვლინება, ნებისმიერ თანამდებობაზე არჩევა უნდა მოხდეს განსხვავებული აზრის ფონზე, დღეს აზრი დააფიქსირეს ახალბედა პოლიტიკოსებმა, ეს ნორმალურია. ქალბატონი ანის პოზიცია არ იყო კორექტული, მან ეს განცხადებები ჭორების ნიადაგზე გააკეთა, ის ჩემი სტუდენტი იყო, დიდ პატივს ვცემ მის მამას, მაგრამ ეს მისი უფლებაა", -განაცხადა მერაბ ტურავამ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა