აზერბაიჯანში ბოლო დღე-ღამეში კორონავირუსის 547 ახალი შემთხვევა გამოვლინდა. ინფორმაციას მინისტრთა კაბინეტთან არსებული ოპერატიული შტაბი ავრცელებს.

მათივე ცნობით, ბოლო დღე-ღამეში, ქვეყანაში კოვიდ-19-ს კიდევ 6 პაციენტი ემსხვერპლა, გამოჯანმრთელდა 291 ადამიანი.

25 ივნისის მდგომარეობით, აზერბაიჯანში სულ 14 852 ადამიანი დაინფიცირდა ვირუსით. მათგან 8 000-ზე მეტი პაციენტი გამოჯანმრთელდა, 180 შემთხვევა კი ლეტალურად დასრულდა. ამჟამად მკურნალობა 6 613 პაციენტს უტარდება.