ბრაზილიის პრეზიდენტი ჟაირ ბოლსონარუ აცხადებს, რომ შესაძლოა, ის კორონავირუსით დაინიფიცრებული იყო.
ბოლსონარუს მტკიცებით, მიუხედავად იმისა, რომ მან კორონავირუსზე ორი ტესტი ჩაიტარა და პასუხები ორივე შემთხვევაში უარყოფითი იყო, არ არის გამორიცხული, რომ მას ვირუსი გადატანილი აქვს.
შეგახსენებთ, ორი დღის წინ ჟაირ ბოლსონარუს ფედერალურმა სასამართლომ საჯარო სივრცეში პირბადის ტარების ვალდებულება დააკისრა, წინააღმდეგ შემთხვევაში მას ჯარიმის სახით 386 აშშ დოლარის გადახდა მოუწევს.
ცნობისათვის, ბრაზილიაში ბოლო დღე-ღამის განმავლობაში კორონავირუსის 39 483 ახალი შემთხვევა დადასტურდა და დაინფიცირებულთა საერთო რაოდენობა 1 228 114-მდე გაიზარდა, კოვიდ 19-სგან დაღუპულთა რიცხვმა კი ქვეყანაში 54 971-ს მიაღწია.