ჟურნალისტი ნინო ჭელიძე აცხადებს, რომ „ფეისბუქში“ გამოქვეყნებული პოსტის გამო სუს-ში დაიბარეს
ჟურნალისტი და ბლოგერი ნინო ჭელიძე სახელმწიფო უსაფრთხოების სამსახურში დაიბარეს. ჟურნალისტის ინფორმაციით, სუს-ში მას „ფეისბუქ“ პოსტის გამო იბარებენ.
როგორც „ინტერპრესნიუსს“ სახელმწიფო უსაფრთხოების სამსახურში განუცხადეს, უწყებაში ჟურნალისტი ნინო ჭელიძე „მთავარ არხზე“ გასულ სიუჟეტთან დაკავშირებითაა დაბარებული და ის მოწმის სტატუსით გამოიკითხება.
ჟურნალისტი სუს-ში 11:00 საათზეა დაბარებული.
