ეკა ბესელია გიორგი გახარიას - პირადი ცხოვრების ამსახველი ფარული ჩანაწერების გავრცელება ვინ დაგეგმა და რა მიზანი ჰქონდა? თქვენ დამპირდით ამ კითხვაზე პასუხს და მე ის არ მიმიღია

ვინ დაგეგმა ეს დანაშაული და რა მიზანი ჰქონდა? რატომ დაემთხვა იმ პერიოდს, როდესაც ჩვენ უმწვავესი კონფლიქტი გვქონდა მოსამართლეთა 10-კაციანი სიის გამო? რა იყო ეს - დასჯა, სამაგიეროს გადახდა, ანგარიშსწორება, თუ გაფრთხილება ყველა დანარჩენის მიმართ, - ამ კითხვით დამოუკიდებელმა დეპუტატმა ეკა ბესელიამ მისი პირადი ცხოვრების ამსახველი ფარული ჩანაწერების გავრცელების საქმესთან დაკავშირებით პრემიერ-მინისტრს პლენარულ სხდომაზე მიმართა. დეპუტატის კითხვას ფრაქცია „დამოუკიდებელი დეპუტატებისა“ და სხვა ოპოზიციური ფრაქციების წარმომადგენლები ტაშით შეხვდნენ.

ბესელიას განცხადებით, მომხდარიდან თითქმის წელიწადნახევარი გავიდა და არ დაიღლება, სანამ დანაშაულთან დაკავშირებით კონკრეტულ სახელს და გვარს არ გაიგებს.

„ვფიქრობდი, რომელი საკითხით დამეწყო კითხვის დასმა, ღირდა თუ არა საერთოდ ამ კითხვის დასმა, მაგრამ ბოლოს მაინც გადავწყვიტე, რადგან ეს ჩემი შინაგანი განწყობაა და არ ვიქნები გულწრფელი, რომ სხვა საკითხებზე გესაუბროთ. არ მინდა ეს პარლამენტი ისე დასრულდეს, რომ ეს კითხვა საჯაროდ არ დავსვა, მით უმეტეს, ამ კითხვაზე პასუხს დამპირდით ამის წინის წინა მოხსენების დროს. ესაა თემა, რომელმაც ბევრი გადაწყვეტილება და ბევრი რამ შემიცვალა. აქ არიან მთავრობის ის წევრებიც, რომლებიც შეიძლება დაკავშირებულები იყვნენ ამ საკითხთან. ამ საანგარიშო პერიოდში თქვენ იყავით შს მინისტრი, როდესაც იმ პერიოდში უმრავლესობის დეპუტატის მიმართ გავრცელდა სააკაშვილის ხელისუფლების დროს ჩაწერილი უკანონო ჩანაწერები. ეს მოხდა თქვენი შს მინისტრობის პერიოდში. დღეს არის ივნისის ბოლო, გავიდა წელიწადი და ხუთი თვე, თქვით რომ მეტყოდით, ვინ ჩაიდინა ეს დანაშაული. არ მითხრათ, რომ ეს საქმე გახსნილია, რადგან ეს საქმე გახსნილი არ არის და ამ კითხვაზე პასუხი არ მიმიღია. ვინ დაგეგმა ეს დანაშაული, რა მიზანი ჰქონდა იმ დანაშაულის დაგეგმვას და რატომ დაემთხვა იმ პერიოდს, როდესაც ჩვენ გვქონდა უმწვავესი კონფლიქტი მოსამართლეთა 10-კაციანი სიის გამო? რა იყო ეს - დასჯა, სამაგიეროს გადახდა, ანგარიშსწორება, თუ გაფრთხილება ყველა დანარჩენის მიმართ, ვინც გაბედავდა და ამ ან სხვა თემაზე აირჩევდა პროტესტის იმ ფორმას, არც მე ავირჩიე? მე არ მაქვს ამ კითხვაზე პასუხი, მაგრამ ამ კითხვაზე პასუხს აუცილებლად მივიღებ, ეს იქნება დღეს, ხვალ, თუ რა დროც არ უნდა დასჭირდეს. მე მინდა გკითხოთ, ვინ და რატომ დაგეგმა ეს დანაშაული. არ დავიღლები იქამდე, სანამ არ გავიგებ კონკრეტულ სახელს და გვარს, არა კოლექტიურს, არამედ კონკრეტულს. იმისთვის, რომ ამ ქვეყანაში რაიმეს ფასი ჰქონდეს“,- განაცხადა ბესელიამ.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 01.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის