„თავისუფალი საქართველოს“ ინფორმაციით, რეგიონული განვითარების და ინფრასტრუქტურის სამინისტროსთან სუფსის ხეობის მოსახლეობამ საპროტესტო აქცია გამართა

საქართველოს რეგიონული განვითარების და ინფრასტრუქტურის სამინისტროსთან სუფსის ხეობის მოსახლეობამ საპროტესტო აქცია გამართა. ამის შესახებ „ინტერპრესნიუსს“ „თავისუფალი საქართველოდან“ აცნობეს.

მათივე ინფორმაციით, სოფელ ზემო სურების მცხოვრებლები ხეობაში ჰესების მშენებლობას აპროტესტებენ და სახელმწიფოსგან მაღალმთიანი დასახლდების სტატუსის აღდგენას, ასევე პრემიერ-მინისტრის მიერ დაპირებული ასფალტიანი გზის მოწყობას მოითხოვენ.

„აღსანიშნავია, რომ გურიის მაღალმთიან სოფლებში გზის პრობლემა ყველაზე მწვავედ დგას, რაც დასახლებების დაცლას და შიდამიგრაციის არანორმალურად მაღალ მაჩვენებელს განაპირობებს. ხოლო მოსახლეობის ის ნაწილი, რომელიც რჩება სოფლებში, მოწყვეტილია გარესამყაროს. გურიის სოფლების ნაწილს, მთავრობის გადაწყვეტილებით მაღალმთიანი სოფლის სტატუსიც მოეხსნა, რაც ნიშნავს, რომ აქ მაცხოვრებელი მოქალაქეები ვეღარ სარგებლობენ სახელმწიფოს მხრიდან შეღავათებით. ყოველივე ამას ემატება სუფსის ხეობაში ჰესების მშენებლობის გეგმა, რაც პრაქტიკულად წარმოადგენს ადგილობრივი მოსახლეობის იძულებას, დაცალონ სოფლები.

გურიის მცხოვრებლებს მხარდაჭერა გამოუცხადეს საზოგადოებისთვის ცნობილმა სახეებმა და სამოქალაქო აქტივისტებმა. აქციას შეუერთდა „თავისუფალი საქართველო“. მოსახლეობას სიტყვით მიმართა პარტიის ლიდერმა კახა კუკავამ. მან ხელისუფლებას მოუწოდა, სრულიად არააუცილებელი პროეტების დაფინანსების ნაცვლად, სახელმწიფო ბიუჯეტში პრიორიტეტები მოსახლეობის საჭიროების მიხედვით განსაზღვროს. კუკავამ მოქალაქეებს მთავრობასთან ურთიერთობისას შუამდგომლობა და ყველა სხვა საჭირო სამართლებრივი დახმარება აღუთქვა,“ - ნათქვამია ინფორმაციაში.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო